ટ્રેઇની IAS પૂજા ખેડકરે પુણેના કલેક્ટર પર ઉત્પીડનનો લગાવ્યો આરોપ, ફરિયાદ નોંધાવી
IAS Puja Khedkar Controversy: ટ્રેઇની IAS ઓફિસર પૂજા ખેડકરના મામલામાં એક મોટું અપડેટ સામે આવી રહ્યું છે. હવે વિવાદોમાં ઘેરાયેલી પૂજા ખેડકરે પુણેના કલેક્ટર વિરુદ્ધ ફરિયાદ નોંધાવી છે અને તેમના પર ઉત્પીડનનો આરોપ લગાવ્યો છે. આ ફરિયાદ સોમવાર 15 જુલાઈએ મોડી રાત્રે નોંધાઈ હતી, જ્યારે પૂજા ખેડકરે વસીમ પોલીસને તેના સરકારી ગેસ્ટ હાઉસમાં બોલાવી હતી. આ એ જ પુણે કલેક્ટર છે, જેમણે મહારાષ્ટ્રના મુખ્ય સચિવને એક પત્ર લખ્યો હતો, જેના પછી તેમનું ટ્રાન્સફર રદ કરવામાં આવ્યું હતું.
Maharashtra: Trainee IAS officer Puja Khedkar relieved from District Training Program of State Government of Maharashtra.
The letter from Nitin Gadre, Additional Chief Secretary (P) reads, "…LBSNAA, Mussoorie has decided to keep your District Training Program on hold and… pic.twitter.com/IHXw8ZOhmw
— ANI (@ANI) July 16, 2024
પૂજા ખેડકરનો ટ્રેનિંગ પ્રોગ્રામ કેન્સલ
ઉલ્લેખનીય છે કે, મહારાષ્ટ્ર સરકારે મંગળવારે વિવાદાસ્પદ IAS ઓફિસર પૂજા ખેડકરનો ટ્રેનિંગ પ્રોગ્રામ રદ્દ કરી દીધો હતો અને તેને 23 જુલાઈ સુધીમાં મસૂરી ટ્રેનિંગ એકેડમીમાં જોડાવાનો આદેશ આપ્યો હતો.
34 વર્ષની પૂજા ખેડકર પર છેતરપિંડીનો આરોપ છે અને UPSCમાં સિલેક્ટ થવા માટે અનેક ડિસેબિલિટી સર્ટિફિકેટ રજૂ કર્યા છે. પૂજા ખેડકરે કથિત રીતે પોતાને શારીરિક રીતે વિકલાંગ ગણાવ્યા હતા અને તે OBC સમુદાયની છે અને વિશેષાધિકારોનો દુરુપયોગ કરી રહી છે. પૂજા ખેડકરને ખાનગી હોસ્પિટલ દ્વારા સાત ટકા અપંગતાનું પ્રમાણપત્ર આપવામાં આવ્યું હતું, જે બેન્ચમાર્ક કરતાં ઘણું ઓછું છે. આમ છતાં પૂજા ખેડકરે વિશેષ અધિકારોનો ઉપયોગ કર્યો.
એક અધિકારી દ્વારા પ્રાપ્ત માહિતી અનુસાર, પૂજા ખેડકરને તેની સામે જરૂરી કાર્યવાહી કરવા માટે ટ્રેનિંગ પ્રોગ્રામમાંથી પરત બોલાવવામાં આવી છે. મહારાષ્ટ્રના અધિક મુખ્ય સચિવ નીતિન ગદ્રે દ્વારા લખવામાં આવેલા પત્રમાં કહેવામાં આવ્યું છે કે એકેડેમીએ પૂજા ખેડકરની તાલીમ રદ કરવાનો નિર્ણય લીધો છે અને આગળની જરૂરી કાર્યવાહી માટે તેને તાત્કાલિક પરત બોલાવી લીધી છે.
પત્રમાં કહેવામાં આવ્યું છે કે, “તમને મહારાષ્ટ્ર સરકારના જિલ્લા પ્રશિક્ષણ કાર્યક્રમમાંથી રાહત મળી છે. તમને કોઈપણ સંજોગોમાં 23 જુલાઈ 2024 પહેલા એકેડેમીને જાણ કરવા માટે નિર્દેશિત કરવામાં આવે છે.
