આ રાજ્યમાં આગામી 6 દિવસ ભારેથી અતિભારે વરસાદની આગાહી, હવામાન વિભાગે આપ્યું એલર્ટ

Delhi: દેશમાં ભારે પવન ફુંકાતા ઠંડીમાં વધારો નોંધાયો છે. ઘણા રાજ્યોમાં ભારે વરસાદ પડી રહ્યો છે.. વેસ્ટર્ન ડિસ્ટર્બન્સ પણ સક્રિય છે, જેના કારણે પશ્ચિમ હિમાલય વિસ્તારમાં વાવાઝોડું અને હિમવર્ષા અને વરસાદની શક્યતા છે. આ સંદર્ભે ભારતીય હવામાન વિભાગ (IMD) એ વરસાદને લઈને એલર્ટ જાહેર કર્યું છે.

પૂર્વોત્તર બાંગ્લાદેશ પર એક ચક્રવાતી સ્થિતિ છે, જેના પ્રભાવ હેઠળ અરુણાચલ પ્રદેશમાં 10 થી 15 ફેબ્રુઆરી સુધી વાદળો અને હિમવર્ષા જોવા મળશે. 11-13 ફેબ્રુઆરી દરમિયાન રાજ્યમાં ગાજવીજ અને વીજળીના ચમકારા સાથે ભારેથી અતિ ભારે વરસાદની સંભાવના છે. ઉપ-હિમાલયના પશ્ચિમ બંગાળ અને સિક્કિમમાં 10-14 ફેબ્રુઆરી દરમિયાન હળવો વરસાદ અને હિમવર્ષા થશે. પૂર્વોત્તર આસામમાં 10-14 ફેબ્રુઆરી અને નાગાલેન્ડ, મણિપુર, મિઝોરમ, ત્રિપુરામાં 10-12 ફેબ્રુઆરી દરમિયાન ભારે વરસાદ પડશે.

ચક્રવાતી પરિભ્રમણના રૂપમાં પશ્ચિમી વિક્ષેપ ઉત્તર અફઘાનિસ્તાનમાં અને તેની આસપાસ સક્રિય છે. જેના કારણે ઉત્તરપૂર્વ ભારતમાં દરિયાની સપાટીથી 12.6 કિમી ઉપર કલાકના 203 કિલોમીટર (110 નોટ)ની ઝડપે પવન ફૂંકાય તેવી શક્યતા છે. આ અસરને કારણે પૃથ્વી પર ઠંડી વધશે. તેની અસરને કારણે, 10-11 ફેબ્રુઆરીના રોજ પશ્ચિમ હિમાલયના ક્ષેત્રમાં તીવ્ર વાવાઝોડા અને પવન સાથે હિમવર્ષા અને વરસાદની સંભાવના છે. પશ્ચિમ હિમાલય પ્રદેશમાં જમ્મુ અને કાશ્મીર, લદ્દાખ, હિમાચલ પ્રદેશ અને ઉત્તરાખંડ રાજ્યોનો સમાવેશ થાય છે.

આ પણ વાંચો: ફરી એકવાર કચ્છની ધરા ધ્રુજી, મોડી રાતે 3.1ની તીવ્રતાનો ભૂકંપનો આચંકો અનુભવાયો

હવામાન વિભાગે દિલ્હી એનસીઆરના હવામાન અંગે અપડેટ આપ્યું છે. છેલ્લા 24 કલાકમાં દિલ્હી એનસીઆરમાં લઘુત્તમ તાપમાન 2 ડિગ્રી સેલ્સિયસ ઘટ્યું છે. રાજધાનીમાં મહત્તમ અને લઘુત્તમ તાપમાન અનુક્રમે 24 થી 26 °C અને 8 થી 9 °C ની વચ્ચે છે. રવિવારે આકાશ સ્વચ્છ રહ્યું હતું, પરંતુ દિવસ દરમિયાન 16 થી 18 કિમી પ્રતિ કલાકની ઝડપે ઉત્તર-પશ્ચિમ દિશામાંથી પવન ફૂંકાયો હતો. 10 ફેબ્રુઆરીએ દિલ્હીમાં આંશિક વાદળછાયું વાતાવરણ રહેશે. જ્યારે 11-12 ફેબ્રુઆરીએ હવામાન સ્વચ્છ રહેશે. સવારે ધુમ્મસની સંભાવના છે અને દિવસ દરમિયાન જોરદાર પવન ફૂંકાશે જેના કારણે ઠંડી વધશે.