ઇઝરાયલી હુમલામાં હિઝબુલ્લાહ બટાલિયન કમાન્ડર અહેમદ અદનાનનું મોત, IAFએ જાહેર કર્યો VIDEO
Israel Hezbollah War: ઇઝરાયલે દક્ષિણ લેબનોન પર બોમ્બમારો કર્યો છે. ઇઝરાયેલી એરફોર્સના ડિવિઝન 91ના નિર્દેશનમાં એરફોર્સના એરક્રાફ્ટે બુધવારે રાત્રે દક્ષિણ લેબનોન પર હુમલો કર્યો. આ હુમલામાં IAFએ હિઝબુલ્લાહના એક મોટા આતંકી અહેમદ અદનાનને જીજાહમાં ઠાર માર્યો હતો. અદનાન હિઝબુલ્લાહ આતંકવાદી સંગઠનના “રડવાન ફોર્સ” માં બટાલિયન કમાન્ડર હતો.
ઇઝરાયલી સેનાએ X પર આ આતંકવાદીને મારવાનો વીડિયો પણ શેર કર્યો છે, જેમાં વાયુસેનાને મોટા વિસ્ફોટમાં આતંકીઓના ટાર્ગેટ પર હુમલો કરતા બતાવવામાં આવ્યા છે. ઇઝરાયલી એરફોર્સના જણાવ્યા અનુસાર, માર્યા ગયેલા આતંકવાદીએ માત્ર પ્લાનિંગમાં જ ભાગ લીધો ન હતો, પરંતુ તેણે ઇઝરાયલ રાજ્ય અને IDF દળો અને તેના નાગરિકો વિરુદ્ધ અનેક આતંકવાદી કાવતરાને અંજામ આપ્યો હતો. તાજેતરના મહિનાઓમાં, અહેમદ અદનાન ઇઝરાયેલના સ્થાનિક મોરચા સામે આતંકવાદી કાવતરાઓને પ્રોત્સાહન આપવાનું ચાલુ રાખ્યું હતું, જે ઇઝરાયેલ અને તેના નાગરિકો માટે ખતરો હતો.
כלי-טיס של חיל-האוויר, בהכוונת אוגדה 91, תקף במהלך הלילה בדרום לבנון וחיסל את המחבל אחמד עדנאן בג'יג'ה, מפקד גדוד ב'כוח רדואן' של ארגון הטרור חיזבאללה. pic.twitter.com/XPbvZ3wKVi
— Israeli Air Force (@IAFsite) March 27, 2025
IDF એ કહ્યું- કયા કાવતરાખોરને બક્ષવામાં આવશે નહીં
IDFએ જણાવ્યું કે ઇઝરાયલ રાજ્યના નાગરિકો માટેના કોઈપણ ખતરાને દૂર કરવા માટે કાર્યવાહી ચાલુ રાખશે. સેનાએ કહ્યું કે ઇઝરાયલ વિરુદ્ધ કાવતરું ઘડનારાઓને બિલકુલ બક્ષવામાં આવશે નહીં. આ ઇઝરાયલી હુમલા બાદ, યમનથી દેશના અનેક વિસ્તારોમાં બે મિસાઇલો છોડવામાં આવી હતી, જેને IDF દ્વારા નિષ્ફળ બનાવવામાં આવી હતી. હુમલા પહેલા જ ઇઝરાયલમાં હવાઈ હુમલાના સાયરન વાગી રહ્યા હતા. યમનથી છોડવામાં આવેલી બંને મિસાઇલો દેશની સરહદોમાં પ્રવેશતા પહેલા જ રોકી દેવામાં આવી હતી.
