નીતિશ કુમારે નવા મંત્રીઓના વિભાગોની વહેંચણી કરી, જાણો કોને કયો વિભાગ મળ્યો?
Nitish Kumar Cabinet: બિહારમાં મુખ્યમંત્રી નીતિશ કુમારે તેમની કેબિનેટમાં સામેલ તમામ નવા મંત્રીઓના પોર્ટફોલિયોને વહેંચી દીધા છે. આ મંત્રીઓએ ગઈકાલે સાંજે પદ અને ગુપ્તતાના શપથ લીધા. આ સાથે નીતિશ કુમારે વર્તમાન કેબિનેટમાં ઘણા મંત્રીઓના પોર્ટફોલિયોમાં પણ ફેરફાર કર્યા છે.
આ પણ વાંચો: ભવ્ય મહાકુંભના આયોજન બદલ સૌને અભિનંદન, 66.30 કરોડ શ્રદ્ધાળુઓ આવ્યા: CM યોગી
બિહાર વિધાનસભાની ચૂંટણી માટે એક વર્ષથી પણ ઓછો સમય બાકી છે. દરમિયાન, બુધવારે મુખ્યમંત્રીએ તેમની કેબિનેટમાં સાત નવા ચહેરાઓનો સમાવેશ કર્યો હતો. તમામ 7 ચહેરા ભાજપના છે. આ સાથે, નીતિશ મંત્રીમંડળના સભ્યોની સંખ્યા વધીને 36 થઈ ગઈ છે. બિહારમાં કુલ 243 વિધાનસભા બેઠકો છે. નિયમો અનુસાર, ગૃહની કુલ બેઠકોમાંથી માત્ર 15 ટકા જ મંત્રી બની શકે છે. આ રીતે જોઈએ તો રાજ્ય મંત્રી પરિષદમાં વધુમાં વધુ 36 મંત્રીઓ હોઈ શકે છે.
વિભાગોનું વિભાજન
- સંજય સરાવગી- મહેસૂલ અને જમીન
- સુનિલ કુમાર – વન પર્યાવરણ
- વિજય મંડલ – ડિઝાસ્ટર મેનેજમેન્ટ
- કૃષ્ણ કુમાર મન્ટુ –આઇટી
- મોતીલાલ પ્રસાદ – કલા સંસ્કૃતિ
- રાજુ સિંહ – પર્યટન
- જીવેશ મિશ્રા – શહેરી વિકાસ
રાજ્યપાલ આરિફ મોહમ્મદ ખાને રાજભવનમાં આયોજિત સમારોહમાં નવા મંત્રીઓને પદ અને ગુપ્તતાના શપથ લેવડાવ્યા હતા. નીતિશ સરકારના આ મંત્રીમંડળ વિસ્તરણને બિહાર વિધાનસભા ચૂંટણીની જાહેરાત પહેલા મંત્રી પરિષદમાં સમાજના તમામ વર્ગોને પ્રતિનિધિત્વ આપવાના પ્રયાસ તરીકે જોવામાં આવી રહ્યું છે.
