કેમ ઉઠી બાંગ્લાદેશના રાષ્ટ્રગીત બદલવાની માગ, ભારત પર લગાવ્યો આરોપ

Bangladesh: તાજેતરમાં જ ભારતના પાડોશી દેશ બાંગ્લાદેશમાં રાષ્ટ્રગીત બદલવાની માંગ ઉઠી હતી. હકીકતમાં, દેશના એક ભૂતપૂર્વ સૈનિકે કહ્યું હતું કે દેશનું રાષ્ટ્રગીત, “અમર સોનાર બાંગ્લા” વર્ષ 1971 માં ભારત દ્વારા આપણા પર લાદવામાં આવ્યું હતું અને દેશનું રાષ્ટ્રગીત દેશના વસાહતી ભૂતકાળને આગળ લાવે છે. બાંગ્લાદેશમાં કટ્ટરપંથીઓ રાષ્ટ્રગીત બદલવાની માંગ કરી રહ્યા હતા, આ દરમિયાન દેશની વચગાળાની સરકારે સ્પષ્ટપણે કહ્યું છે કે દેશનું રાષ્ટ્રગીત બદલવાનો તેનો કોઈ ઈરાદો નથી.

રાષ્ટ્રગીત બદલવાની માંગ કેમ ઉઠી?
બાંગ્લાદેશ જમાત-એ-ઈસ્લામીના ભૂતપૂર્વ અમીર ગુલામ આઝમના પુત્ર અબ્દુલ્લાહીલ અમાન આઝમીએ આ અઠવાડિયે રાષ્ટ્રગીત પર ટિપ્પણી કરી હતી. ભારત પર આરોપ લગાવતા તેમણે રાષ્ટ્રગીત અને બંધારણ બદલવાની માંગ કરી હતી.

અબ્દુલ્લાહીલ અમાન આઝમીએ કહ્યું, હું રાષ્ટ્રગીતનો મામલો આ સરકાર પર છોડી દઉં છું. દેશનું વર્તમાન રાષ્ટ્રગીત આપણા સ્વતંત્ર બાંગ્લાદેશની વિરુદ્ધ છે. આ રાષ્ટ્રગીત બાંગ્લાદેશના વિભાજન અને બે બંગાળના એકીકરણના સમયને પ્રતિબિંબિત કરે છે. તેમણે વધુમાં કહ્યું કે, એવું કેવી રીતે થઈ શકે કે જે ગીત બે બંગાળને એક કરવા માટે બનાવવામાં આવ્યું હતું તે આઝાદ બાંગ્લાદેશનું રાષ્ટ્રગીત બની શકે.

ભારત પર આરોપ લગાવ્યો
અબ્દુલ્લાહી અમાન આઝમીએ ભારત પર આરોપ લગાવતા કહ્યું કે, ભારતે વર્ષ 1971માં આ રાષ્ટ્રગીત આપણા પર લાદ્યું હતું. તેમણે કહ્યું કે, ઘણા ગીતો દેશનું રાષ્ટ્રગીત બની શકે છે. દેશની વચગાળાની સરકારે દેશ માટે નવું રાષ્ટ્રગીત પસંદ કરવા માટે એક કમિશન બનાવવું જોઈએ.

બંધારણમાં ફેરફારની માંગ પણ ઉઠી
પૂર્વ બ્રિગેડિયર જનરલે પણ રાષ્ટ્રગીત બદલવાની માંગ ઉઠાવી હતી. પૂર્વ બ્રિગેડિયર જનરલને શેખ હસીનાની સરકાર ઉથલાવી દીધા બાદ મુક્ત કરવામાં આવ્યા હતા. તેમણે તાજેતરમાં નવા રાષ્ટ્રગીતની રચનાને સમર્થન આપતાં કહ્યું હતું કે દેશની ઓળખ અને મૂલ્યો સાથે વધુ સારી રીતે મેળ ખાતું હોય તેવું રાષ્ટ્રગીત બનાવવું જોઈએ. તેમણે બંધારણમાં ફેરફાર કરવા તરફ પણ ધ્યાન દોર્યું હતું કે, સુધારા પણ હોવા જોઈએ, કાયદાઓ અનુસાર હોવા જોઈએ.

આ પણ વાંચો: શું અજીત ડોભાલ રોકી શકશે રશિયા-યુક્રેન યુદ્ધ? PM મોદીએ પોતાના ‘જેમ્સ બોન્ડ’ને સોંપી જવાબદારી

દેશની વચગાળાની સરકારે રાષ્ટ્રગીતમાં ફેરફાર કરવાનો સ્પષ્ટ ઈન્કાર કરી દીધો છે. દેશના ધાર્મિક મામલાના સલાહકાર એએફએમ ખાલિદ હુસૈને શનિવારે કહ્યું કે સરકારની બાંગ્લાદેશના રાષ્ટ્રગીતને બદલવાની કોઈ યોજના નથી. તેમણે એમ પણ કહ્યું કે, બાંગ્લાદેશ પાડોશી દેશ ભારત સાથે સારા સંબંધો જાળવી રાખવા માંગે છે.

દેશમાં મંદિરો પર થયેલા હુમલા અંગે હુસૈને કહ્યું કે જે લોકો ધાર્મિક સ્થળો પર હુમલો કરે છે તેઓ માનવતાના દુશ્મન છે. તે લોકો ગુનેગાર છે અને તેમને સજા થશે. ટૂંક સમયમાં જ દુર્ગા પૂજાની ઉજવણી કરવામાં આવશે, જે અંગે તેમણે કહ્યું કે, દેશમાં દુર્ગા પૂજા દરમિયાન મદરેસા વિદ્યાર્થીઓ મંદિરોની સુરક્ષા કરશે જેથી દુર્ગા પૂજા દરમિયાન મંદિરો પર કોઈ હુમલો ન થાય.