113 રૂપિયામાં મળતું હતું 11.66 ગ્રામ સોનુ, વાયરલ થઈ રહ્યું છે 1959નું બિલ
Gold: સોનાનો ભાવ હાલ આસમાને છે. આજે સોનાનો ભાવ 73 હજાર રૂપિયા પ્રતિ 10 ગ્રામ છે. આજના જમાનામાં સોનું ખરીદવું દરેકની પહોંચમાં નથી. મધ્યમ વર્ગના પરિવારો પણ લગ્ન જેવા ખાસ પ્રસંગોએ જ સોનું ખરીદી શકે છે. સોનાની કિંમત દિન પ્રતિદિન વધી રહી છે. સોનાની કિંમત સાંભળીને લોકો જ્વેલરી ખરીદવાનું વિચારતા પણ નથી. પરંતુ જો આવા લોકોને કહેવામાં આવે કે એક સમયે સોનું 113 રૂપિયા પ્રતિ તોલાથી વધુમાં મળતું હતું. આ સાંભળીને લોકો એ જમાનામાં પાછા જવા ઈચ્છે છે. પરંતુ તે સમયે 113 રૂપિયાનો ભાવ આજના 50 હજાર રૂપિયા જેટલો જ હતો. તે સમયે લોકો પાસે કમાણીનાં ખૂબ જ મર્યાદિત સાધનો હતાં.
1959નું બિલ વાયરલ થયું
તાજેતરમાં સોનું ખરીદનારનું બિલ સોશિયલ મીડિયા પર વાયરલ થઈ રહ્યું છે. જેમાં 11.66 ગ્રામ સોનાની કિંમત માત્ર 113 રૂપિયા લખવામાં આવી છે. આજકાલ વ્યક્તિ એક સમયે 113 રૂપિયાનું ભોજન ખાય છે. વાયરલ થઈ રહેલી પોસ્ટ મુજબ આ બિલ 1959નું છે. આ પોસ્ટમાં એ જ વજનના સોનાની આજની કિંમત 70-75 હજાર રૂપિયા જણાવવામાં આવી છે. જૂના જમાનામાં સોનાની આટલી ઓછી કિંમત વિશે જાણીને લોકોને આશ્ચર્ય થાય છે.
View this post on Instagram
“તે સમયના 113 રૂપિયા આજે 1 લાખ 13 હજાર બરાબર છે”
આ બિલને ઈન્સ્ટાગ્રામ પર ‘ઝિંદગી ગુલઝાર હૈ’ નામના પેજ પરથી શેર કરવામાં આવ્યું છે. થોડા દિવસો પહેલા વાયરલ થયેલી આ પોસ્ટને અત્યાર સુધીમાં લાખો લોકો જોઈ અને કોમેન્ટ કરી ચૂક્યા છે. કોમેન્ટ કરતી વખતે એક યુઝરે લખ્યું- તે સમયે 113 રૂપિયા આજે 1 લાખ 13 હજાર રૂપિયા બરાબર છે. બીજાએ લખ્યું – તે સમયે દૈનિક મજૂરી 10-20 પૈસા હતી. આટલા પૈસા ભેગા કરવામાં લોકોને 3-4 વર્ષ લાગતા હતા. તે સમયે લોકોનો પગાર પણ 10-20 રૂપિયા હતો.
