મામા-ભાણીના સંબંધને શર્મસાર કરતી ઘટના, 13 વર્ષની ભાણીને લલચાવી ફોસલાવીને મામાએ કર્યું દુષ્કર્મ
અરવલ્લી: અરવલ્લી જિલ્લામાં મામા-ભાણીના પવિત્ર સંબંધને શર્મસાર કરતી ઘટના સામે આવી છે. જ્યાં 13 વર્ષની ભાણીને લલચાવી ફોસલાવીને મામાએ દુષ્કર્મ આચર્યું હતું.
અરવલ્લી જિલ્લાના ભિલોડા તાલુકાના એક અંતરિયાળ ગામની 13 વર્ષની દીકરી પર પોતાના જ મામા દ્વારા દુષ્કર્મ આચરતા ખળભળાટ મચી ગયો હતો. માત્ર 13 વર્ષની કુમળી વયની દીકરી પર તેના જ મામાએ લલચાવી ફોસલાવી ભિલોડા તાલુકાના ખોડંબા નજીક જાડી જંગલમાં લઈ જઈ દુષ્કર્મ આચરતા સમગ્ર વિસ્તારમાં મામા પર ફિટકારની લાગણી વરસી હતી. જ્યાં હેવાનિયતની હદ વટાવતા મામાએ પોતાની જ ભાણી ઉપર દુષ્કર્મ આચાર્યો હતો.
માત્ર 13 વર્ષની કુમળી વયની દીકરી અને પોતાની જ ભાણી ઉપર દુષ્કર્મ આચરી હેવાન ફરાર થઈ ગયો હતો. દીકરીના પિતા દ્વારા ટીંટોઇ પોલીસે સ્ટેશન ફરિયાદ આપતા ટીંટોઈ પોલીસ હરકતમાં આવી આરોપીને ઝડપી લેવા ચક્રો ગતિમાન કર્યા હતા અને ગણતરીના કલાકોમાં જ આરોપીને ઝડપી પાડી પોક્સો હેઠળ ગુનો દાખલ કરી આરોપીને જેલના સળિયા પાછળ ધકેલી દીધો હતો.
