શું છે ‘પરમ રુદ્ર’ સુપર કોમ્પ્યુટર્સ, શા માટે છે ભારત માટે ખાસ, જાણો વિશેષતાઓ
Param Rudra Super Computer: આજે ભારત ટેક્નોલોજીના ક્ષેત્રમાં ઝડપથી આગળ વધી રહ્યું છે. આજે ભારતે આ દિશામાં એક મોટી ઉપલબ્ધિ હાંસલ કરી છે. વડાપ્રધાન નરેન્દ્ર મોદીએ આજે દેશને સુપર કોમ્પ્યુટર સમર્પિત કર્યા. આ સુપર કોમ્પ્યુટરને ‘પરમ રુદ્ર’ નામ આપવામાં આવ્યું છે. તે સામાન્ય કમ્પ્યુટરથી સંપૂર્ણપણે અલગ છે. પીએમ મોદીએ આજે સાંજે વીડિયો કોન્ફરન્સિંગ દ્વારા આ 3 સુપર કોમ્પ્યુટર સમર્પિત કર્યા હતા.
#WATCH | Delhi: Prime Minister Narendra Modi inaugurates 3 Param Rudra Super Computing Systems and a High-Performance Computing System for weather and climate, via video conferencing
(Source: DD News) pic.twitter.com/Pqq0uOhYm2
— ANI (@ANI) September 26, 2024
દેશને મળેલા આ 3 પરમ રુદ્ર સુપર કોમ્પ્યુટર પર્યાવરણ, આબોહવા અને અન્ય ઘણા ક્ષેત્રોમાં ખૂબ જ મદદરૂપ સાબિત થવાના છે. સુપર કોમ્પ્યુટર સામાન્ય કોમ્પ્યુટર કરતા હજારો ગણી ઝડપથી કામ કરે છે. દેશને આપેલા આ ત્રણ સુપર કોમ્પ્યુટરની શક્તિ અને કામગીરીનો અંદાજ તમે એ વાત પરથી લગાવી શકો છો કે જે કામ એક સામાન્ય કોમ્પ્યુટર 500 વર્ષમાં કરી શકે છે તે આ ‘પરમ રુદ્ર સુપર કોમ્પ્યુટર’ મિનિટોમાં કરી શકે છે.
પરમ રુદ્ર હજારો કોમ્પ્યુટર માટે કામ કરશે
નોંધનીય છે કે, આ પરમ રુદ્ર સુપર કોમ્પ્યુટર એકસાથે એટલી મોટી માત્રામાં ડેટા પ્રોસેસ કરી શકે છે કે એકસાથે ઘણા સામાન્ય કોમ્પ્યુટર પણ તે કરી શકતા નથી. આ સુપર કોમ્પ્યુટરનું કામ સામાન્ય રીતે વૈજ્ઞાનિક અને સંશોધન કાર્યમાં વપરાય છે. આ ઉપરાંત, તેઓ ખગોળીય ઘટનાઓ અને કુદરતી ઘટનાઓ વિશેની માહિતી મેળવવા માટે પણ ઉપયોગમાં લેવાય છે.
With Param Rudra Supercomputers and HPC system, India takes significant step towards self-reliance in computing and driving innovation in science and tech. https://t.co/ZUlM5EA3yw
— Narendra Modi (@narendramodi) September 26, 2024
આ જગ્યાઓ પર નવા સુપર કોમ્પ્યુટર લગાવવામાં આવશે
નોંધનીય છે કે, પીએમ નરેન્દ્ર મોદી દ્વારા ભારતને સમર્પિત 3 પરમ રુદ્ર સુપર કોમ્પ્યુટર કુલ 130 કરોડ રૂપિયાના ખર્ચે બનાવવામાં આવ્યા છે. આ કમ્પ્યુટર્સ પુણે, દિલ્હી અને કોલકાતામાં લગાવવામાં આવશે. પરમ રુદ્ર કોમ્પ્યુટરનો ઉપયોગ પુણેમાં મીટર રેડિયો ટેલિસ્કોપ (GMRT)ની સેવા માટે કરવામાં આવશે. આ ખગોળીય ઘટનાઓની શોધ પર અભ્યાસ કરશે. બીજા પરમ રુદ્ર કોમ્પ્યુટરનો ઉપયોગ મટીરીયલ સાયન્સ અને ન્યુક્લિયર ફિઝિક્સના ક્ષેત્રોમાં માહિતી મેળવવા માટે દિલ્હીમાં ઈન્ટર યુનિવર્સિટી એક્સિલરેટર સેન્ટર ખાતે કરવામાં આવશે.
