સુરેન્દ્રનગરમાં પ્રેમ પ્રકરણ બન્યું પિતા-પુત્રની મોતનું કારણ,ત્રણ શખ્સોએ કરી હત્યા
વિજય ભટ્ટ, સુરેન્દ્રનગર: થાન સીમ વાડીમાં પ્રેમ પ્રકરણ બાબતે પિતા અને પુત્રની ત્રણ શખ્સો દ્વારા છરી ધોકા જેવા તીક્ષ્ણ હથિયાર વડે હુમલો કરી માર મારી અને હત્યા નીપજાવી હતી હત્યા કરી આરોપીઓ ફરાર થઈ ગયા હતા જેમાં બે મહિલાને ગંભીર ઇજાઓ પહોંચી છે. આ મામલે પોલીસ ઘટના સ્થળે પહોંચી તપાસ હાથ ધરી છે.
સુરેન્દ્રનગર જિલ્લામાં કાયદો અને વ્યવસ્થાની પરિસ્થિતિ કથડતી જઈ રહી છે. ત્યારે, દિવસેને દિવસે હત્યા લૂંટ અપહરણ સહિતના ગુનાઓ સતત વધી રહ્યા છે ત્યારે બે દિવસમાં સુરેન્દ્રનગર જિલ્લામાં ત્રણ વ્યક્તિઓની હત્યા થઈ છે જેમાં પાંચ તારીખે સુરેન્દ્રનગરના જોરાવરનગર વિસ્તારની મેઈન બજારમાં ફાયરિંગ કરી પાન પાર્લર ચલાવતા માલિકની હત્યા કરી હતી તેની સાઈ સુકાઈ નથી ત્યારે ફરી થાનની સીમ વાડીમાં પિતા પુત્રની છડી લાકડી વડે હુમલો કરી માર મારી અને હત્યા નીપજાવી છે જ્યારે બે મહિલાને ઈજા પહોંચી છે.
મૃતકના ભાઈ રાજેશભાઈ બજાણીયાએ થાન પોલીસ મથકે ફરીયાદ નોંધાવતા જણાવ્યું હતું કે ફરિયાદીના ભાઈ મૃતક ભાવેશભાઈ ને વરમાધાર ગામના હરજીભાઈ ચોથાભાઈ ની દીકરી સંગીતા સાથે પ્રેમ સંબંધ હોય અને છ માસ પહેલા સંગીતાબેન સાથે ભાવેશભાઈએ મૈત્રી કરાર કરી ભાવેશભાઈ ના પિતા ઘુઘાભાઇ એ ભાગમાં રાખેલ વાડીએ રહેતા હતા ત્યારે તે વાતનું મન દુઃખ રાખી ફરિયાદીના ભાઈ ભાવેશ તેની માતા અને પિતા તથા મૈત્રી કરાર કરી રહેતી મહિલા સંગીતાબેન ને માર મારેલ હોય ત્યારે છરી અને ધોકા વડે માર મારી ઈજા પહોંચાડી હતી તમામ ઇજાગ્રસ્ત અને પ્રથમ 108 મારફતે થાન હોસ્પિટલ ખસેડવામાં આવ્યા હતા. જ્યાં ભાવેશભાઈનું હાજર ડોક્ટરે મૃત જાહેર કર્યા હતા અને ભાવેશભાઈની પ્રેમિકા સંગીતાબેન અને ફરિયાદીના પિતા ઘુઘા ભાઈ તેમજ માતા મંજુબેનને ગંભીર ઇજાઓ પહોંચતા તેઓને સારવાર અર્થે રાજકોટ ખાતે હોસ્પિટલ ખસેડવામાં આવ્યા હતા જ્યાં સારવાર દરમિયાન ફરિયાદીના પિતા ઘૂઘાભાઈનું મોત નીપજ્યું હતું અને તેની માતા અને તેના ભાઈની પ્રેમિકા સંગીતાબેન ને સારવાર અર્થે રાજકોટ હોસ્પિટલ ખસેડવામાં આવ્યા છે.
આ અંગે મરણ જનાર ના ભાઈ રાજેશભાઈએ ફરિયાદમાં જણાવ્યા પ્રમાણે સંગીતાબેન ના ભાઈ અને ને પહેલા ના પતિ સહિત ત્રણ વ્યક્તિઓએ માર માર્યા અંગેની થાન પોલીસ મથકે ફરિયાદ નોંધાવી છે ત્યારે ડબલ હત્યાના પગલે સુરેન્દ્રનગર જિલ્લા પોલીસ વડા ગીરીશકુમાર પંડ્યા ડીવાયએસપી વિશાલ રબારી સહિતનો પોલીસ કાફલો ઘટના સ્થળે પહોંચી તપાસ હાથ ધરી આરોપીને ઝડપી પાડવા કાર્યવાહી કરવામાં આવી છે
