મણિપુર: 9 જિલ્લામાં મોબાઈલ ઈન્ટરનેટ પર પ્રતિબંઘ 3 ડિસેમ્બર સુધી લંબાવ્યો

Manipur: મણિપુર સરકારે રવિવારે 9 જિલ્લામાં મોબાઈલ ઈન્ટરનેટ પરનો પ્રતિબંધ 3 ડિસેમ્બર સુધી લંબાવ્યો છે. અગાઉ હિંસાની તાજેતરની ઘટનાઓને કારણે આ પ્રતિબંધ 1 ડિસેમ્બર સુધી હતો. ગૃહ વિભાગ દ્વારા જારી કરવામાં આવેલા આદેશમાં મોબાઇલ ઇન્ટરનેટ પરનો પ્રતિબંધ 3 ડિસેમ્બર સુધી વધુ બે દિવસ માટે લંબાવવામાં આવ્યો હતો. ગૃહ વિભાગ દ્વારા જારી કરવામાં આવેલા આદેશમાં કહેવામાં આવ્યું છે કે, ઈમ્ફાલ પશ્ચિમ, ઈમ્ફાલ ઈસ્ટ, કાકચિંગ, બિષ્ણુપુર, થોબલ, ચુરાચંદપુર, કાંગપોકપી, ફેરજાવલ અને જીરીબામમાં ઈન્ટરનેટ પર પ્રતિબંધ લંબાવવામાં આવ્યો છે. તાજેતરની હિંસાને કારણે આ જિલ્લાઓમાં 16 નવેમ્બરથી ઈન્ટરનેટ સેવાઓ બંધ કરી દેવામાં આવી છે.

ઈન્ટરનેટ સેવાઓ 3 ડિસેમ્બરની સાંજ સુધી સ્થગિત
ગૃહ વિભાગના આદેશમાં કહેવામાં આવ્યું છે કે પ્રવર્તમાન કાયદો અને વ્યવસ્થાની સ્થિતિને ધ્યાનમાં રાખીને રાજ્ય સરકારે VSAT અને VPN સેવાઓ સહિત મોબાઇલ ઇન્ટરનેટને 3 ડિસેમ્બર સુધી સ્થગિત રાખવાનો નિર્ણય કર્યો છે. જારી કરાયેલા આદેશ અનુસાર મણિપુરના તમામ 9 જિલ્લાઓમાં આ પ્રતિબંધ 3 ડિસેમ્બરે સાંજે 5:15 વાગ્યા સુધી રહેશે.

આ પણ વાંચો: દિલ્હી-NCRની હવામાં સુધારો, અનેક જગ્યાએ 300ની નીચે પહોંચ્યો AQI

મણિપુરમાં હિંસા વધી ગઈ જ્યારે જીરીબામ જિલ્લામાં એક રાહત શિબિરમાંથી મેઇતેઈ સમુદાયની ત્રણ મહિલાઓ અને ત્રણ બાળકો ગુમ થઈ ગયા. 11 નવેમ્બરે સુરક્ષા દળો અને કુકી-જો આતંકવાદીઓ વચ્ચે ગોળીબારમાં 10 આતંકવાદીઓ માર્યા ગયા પછી આ ઘટના બની હતી. બાદમાં તે 6 લોકોના મૃતદેહ મળી આવ્યા હતા.