‘અમે ઈન્દિરાને નથી છોડ્યા, હવે તમારો વારો…’, બાગેશ્વર બાબાને મળી ધમકી
Punjab: હિન્દુ સમાજની એકતા માટે 9 દિવસની પદયાત્રા કાઢનાર બાગેશ્વર બાબા ધીરેન્દ્ર કૃષ્ણ શાસ્ત્રીને જાનથી મારી નાખવાની ધમકી મળી છે. પંજાબના શીખ કટ્ટરવાદી નેતા બરજિંદર પરવાનાએ બાગેશ્વર બાબાને આ ધમકી આપી છે. જે બાદ પરવાના વિરુદ્ધ ફરિયાદ દાખલ કરવામાં આવી છે.
કટ્ટરવાદી નેતાએ જાહેરમાં સ્ટેજ પર ધમકી આપી અને કહ્યું- બાબા, ધ્યાન રાખો… આજથી તમારું કાઉન્ટડાઉન શરૂ થઈ ગયું છે. તમને પણ મારી નાખીશું. કહેવામાં આવી રહ્યું છે કે ધીરેન્દ્ર કૃષ્ણ શાસ્ત્રીના નિવેદનને લઈને આ ધમકી આપવામાં આવી છે. બરજિંદર પરવાનાના ધમકીભર્યા નિવેદનનો વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં બરજિંદર કહેતો જોવા મળ્યો હતો – બાગેશ્વર ધામના એક સાધુ કહી રહ્યા છે કે તેઓ હરમંદિરમાં પૂજા અને અભિષેક કરશે. હું કહું છું કે આવો પણ યાદ રાખો, અમે ઈન્દિરા ગાંધીને છોડ્યા નથી. બાબા ધ્યાન રાખો… આજથી તમારું કાઉન્ટડાઉન શરૂ થઈ ગયું છે બરજિન્દર પરવાનાએ આગળ કહ્યું – હરમંદિર સાહિબ તો દૂર અમૃતસર આવીને બતાવ. તું આવ… તને પણ મારી નાખીશું.
ધીરેન્દ્ર કૃષ્ણ શાસ્ત્રીના એક નિવેદનને લઈને કથિત મૂંઝવણના કારણે સમગ્ર વિવાદ ઊભો થઈ રહ્યો હોય તેવું લાગી રહ્યું છે. ધીરેન્દ્ર શાસ્ત્રીએ 18 માર્ચે મુરાદાબાદમાં કહ્યું હતું કે હરિહર મંદિરમાં રૂદ્રાભિષેક કરવો જોઈએ. હવે તે મંદિરની પૂજા પણ વહેલી તકે શરૂ થવી જોઈએ. ધીરેન્દ્ર કૃષ્ણ શાસ્ત્રીનું આ નિવેદન સંભલના હરિહર મંદિરને લઈને હતું. પંજાબના સુવર્ણ મંદિર માટે નહીં. પરંતુ શીખ કટ્ટરપંથી બરજિન્દર પરવાનાએ આ નિવેદન સુવર્ણ મંદિર માટે સમજી લીધું છે.
આ પણ વાંચો: અભિનેત્રી ગણશે જેલના સળિયા? રાજ કુન્દ્રા પોર્નોગ્રાફી કેસમાં EDએ મોકલ્યુ સમન્સ
શીખ નેતાની ધમકીના વિરોધમાં શિવસેના પંજાબ પ્રમુખ અવતાર મૌર્ય, પંજાબ યુવા પ્રમુખ અજય ગુપ્તા અને જિલ્લા ઓવરસીઝ સેલના પ્રમુખ સોહનલાલે SSP ખન્ના અશ્વિની ગોટ્યાલને મળ્યા અને પરવાના વિરુદ્ધ ધીરેન્દ્ર કૃષ્ણ શાસ્ત્રીને જાનથી મારી નાખવાની ધમકીની ફરિયાદ નોંધાવી. તેમણે બરજિંદર પરવાના પર પંજાબનું વાતાવરણ બગાડવાનો પણ આરોપ લગાવ્યો. એન્ટી ટેરરિસ્ટ ફ્રન્ટ ઈન્ડિયા અને વિશ્વ હિન્દુ તખ્તના વડા વીરેશ શાંડિલ્યએ શીખ કટ્ટરપંથી બરજિંદર પરવાનાની 48 કલાકની અંદર ધરપકડ કરવાની માંગ કરી છે. જો તેમ કરવામાં નહીં આવે તો મોટા પાયે વિરોધ પ્રદર્શન કરવામાં આવશે તેમ જણાવવામાં આવ્યું છે.
