દિલ્હી વિધાનસભા ચૂંટણી માટે NCPની પ્રથમ યાદીમાં 11 ઉમેદવારો,મુલાયમ સિંહ આપશે દેવેન્દ્ર યાદવને ટક્કર
Delhi Assembly Elections 2025: રાજધાની દિલ્હીમાં ટૂંક સમયમાં વિધાનસભાની ચૂંટણી યોજાવાની છે. આવી સ્થિતિમાં તમામ રાજકીય પક્ષોએ પોતાના ઉમેદવારોના નામની જાહેરાત કરવાનું શરૂ કરી દીધું છે. દરમિયાન, અજિત પવારની રાષ્ટ્રવાદી કોંગ્રેસ પાર્ટી (NCP)એ પણ દિલ્હી વિધાનસભા ચૂંટણી માટે તેના ઉમેદવારોની યાદી જાહેર કરી છે. એનસીપીએ આજે પોતાના ઉમેદવારોની પ્રથમ યાદી જાહેર કરી છે. આ યાદીમાં કુલ 11 ઉમેદવારોના નામ છે.
NCP (AP) releases their first list of 11 candidates for the Delhi Assembly elections#DelhiAssemblyElections | #DelhiAssemblyElection2025 | pic.twitter.com/PDOFuS78kQ
— All India Radio News (@airnewsalerts) December 28, 2024
પાર્ટીએ મુલાયમ સિંહને બાદલી બેઠકથી દિલ્હી કોંગ્રેસના અધ્યક્ષ દેવેન્દ્ર યાદવ સામે ટિકિટ આપી છે. આ સિવાય બુરારીથી રતન ત્યાગી, ચાંદની ચોકથી ખાલિદ ઉર રહેમાન, બલી મારનથી મોહમ્મદ હારુન અને ઓખલાથી ઈમરાન સૈફીને મેદાનમાં ઉતારવામાં આવ્યા છે. છતરપુરથી નરેન્દ્ર તંવર, લક્ષ્મી નગરથી નમાહા, ગોકુલપુરીથી જગદીશ ભગત, મંગોલપુરીથી ખેમ ચંદ, સીમાપુરીથી રાજેશ લોહિયા અને સંગમ વિહારથી કમર અહેમદને ઉમેદવાર બનાવવામાં આવ્યા છે.
નોંધનીય છે કે, દિલ્હી વિધાનસભાની ચૂંટણી આવતા વર્ષે ફેબ્રુઆરીમાં યોજાવાની આશા છે. સત્તાધારી આમ આદમી પાર્ટીએ તમામ 70 બેઠકો માટે ઉમેદવારોના નામ જાહેર કર્યા છે, જ્યારે કોંગ્રેસે અત્યાર સુધીમાં 47 બેઠકો માટે ઉમેદવારોની યાદી જાહેર કરી છે. આ દરમિયાન ભારતીય જનતા પાર્ટી પણ તેના ઉમેદવારોની યાદી તૈયાર કરી રહી છે, જે ગમે ત્યારે જાહેર થઈ શકે છે.
