કોલ્ડપ્લેએ નવા કિર્તિમાન સ્થાપિત કર્યા, બે દિવમાં મેટ્રોને 66 લાખની આવક
અમદાવાદઃ શહેરમાં ભારતના સૌથી મોટો કોલ્ડપ્લે કોન્સર્ટથી ગુજરાત સરકારના અભૂતપૂર્વ વ્યવસ્થાપનથી આ કાર્યક્રમે નવા કિર્તીમાન સ્થાપિત કર્યા હતા. તે બે દિવસ દરમિયાન મેટ્રોમાં 4 લાખથી વધુ લોકોએ મુસાફરી કરી હતી. મેટ્રોમાં 66 લાખની આવક થઈ અને મુસાફરીમાં વર્લ્ડકપનો રેકોર્ડ તૂટ્યો છે.
48 કલાકમાં 1500 ટનથી વધુ કચરાનો નિકાલ કરવામાં આવ્યો છે. ત્રણ દિવસમાં એરપોર્ટ પર 900 ફ્લાઇટ્સ પહોંચી હતી. જડબેસલાક સુરક્ષા વ્યવસ્થા, પરિવહન તથા ટ્રાફિક વ્યવસ્થાપન અને સ્વચ્છતાની કામગીરીથી દર્શકો મંત્રમુગ્ધ થઈ ગયા હતા. આ કોન્સર્ટમાં 2.5 લાખથી વધુ રેકર્ડ બ્રેક લોકોની હાજરીથી પ્રવાસન અને સ્થાનિક અર્થવ્યવસ્થાને વેગ મળ્યો છે.
