VIDEO: ‘ખુરશી પકડી અને ગ્લાસ પાણીથી ભર્યો’, PM મોદીએ આ રીતે કર્યું શરદ પવારનું સ્વાગત

Marathi Sahitya Sammelan: PM નરેન્દ્ર મોદીએ આજે દિલ્હીના વિજ્ઞાન ભવનમાં 98મા અખિલ ભારતીય મરાઠી સાહિત્ય સંમેલનનું ઉદ્ઘાટન કર્યું. પીએમ મોદીએ આ દરમિયાન કહ્યું કે મરાઠી ભાષા અમૃત કરતાં પણ મીઠી છે અને તેઓ આ ભાષા બોલવા અને તેના નવા શબ્દો શીખવાનો સતત પ્રયાસ કરી રહ્યા છે. પીએમ મોદી સાથે શરદ પવાર પણ આ પરિષદમાં હાજરી આપી હતી. જ્યારે શરદ પવાર કોન્ફરન્સમાં પહોંચ્યા ત્યારે પીએમ મોદીએ ખુરશી પકડી અને ગ્લાસ પાણીથી ભર્યો.

#WATCH | Delhi: Prime Minister Narendra Modi and NCP chief Sharad Pawar at the inauguration of the 98th Akhil Bharatiya Marathi Sahitya Sammelan.

(Source: DD News) pic.twitter.com/W2TJpqyeqv

— ANI (@ANI) February 21, 2025

છવા ધૂમ મચાવી રહી છે: PM મોદી
પ્રધાનમંત્રી નરેન્દ્ર મોદીએ અખિલ ભારતીય મરાઠી સાહિત્ય પરિષદમાં કહ્યું- “આપણી મુંબઈ માત્ર મહારાષ્ટ્રની જ નહીં પરંતુ સમગ્ર દેશની આર્થિક રાજધાની તરીકે ઉભરી આવી છે. મહારાષ્ટ્ર અને મુંબઈએ મરાઠી ફિલ્મોની સાથે હિન્દી સિનેમાને પણ પ્રોત્સાહન આપ્યું છે અને આ દિવસોમાં નવી ફિલ્મ ‘છાવા’ ખૂબ જ ધૂમ મચાવી રહી છે.”

એક મરાઠી ભાષી મહાપુરુષે RSSના બીજ વાવ્યા: PM મોદી
PM નરેન્દ્ર મોદીએ કહ્યું-“આજે આપણે એ વાતનો પણ ગર્વ કરીશું કે 100 વર્ષ પહેલાં એક મહાન મરાઠી ભાષી વ્યક્તિએ મહારાષ્ટ્રની ધરતી પર રાષ્ટ્રીય સ્વયંસેવક સંઘના બીજ વાવ્યા હતા. આજે તે તેનું શતાબ્દી વર્ષ ઉજવી રહ્યું છે.” રાષ્ટ્રીય સ્વયંસેવક સંઘ છેલ્લા 100 વર્ષથી ભારતની મહાન પરંપરા અને સંસ્કૃતિને નવી પેઢી સુધી પહોંચાડવા માટે સંસ્કાર યજ્ઞ ચલાવી રહ્યું છે. રાષ્ટ્રીય સ્વયંસેવક સંઘે મારા જેવા લાખો લોકોને દેશ માટે જીવવાની પ્રેરણા આપી છે અને સંઘના કારણે જ મને મરાઠી ભાષા અને મરાઠી પરંપરા સાથે જોડાવાનું સૌભાગ્ય મળ્યું છે. આ સમયગાળા દરમિયાન મરાઠી ભાષાને એક ઉચ્ચ ભાષાનો દરજ્જો આપવામાં આવ્યો હતો.