ભારત વિરુદ્ધ ઝેર ઓકતી 16 પાકિસ્તાની યુટ્યુબ ચેનલો પર પ્રતિબંધ
Pakistan: પહલગામમાં થયેલા આતંકવાદી હુમલા બાદથી કેન્દ્ર સરકાર ઘણા કડક પગલાં લઈ રહી છે અને તે દરમિયાન પાકિસ્તાનની ઘણી યુટ્યુબ ચેનલો પર પણ ભારતમાં પ્રતિબંધ મૂકવામાં આવ્યો છે. માહિતી અનુસાર, આ યુટ્યુબ ચેનલો ભારત વિરુદ્ધ ઝેર ઓકતી હતી અને તેથી જ તેના પર પ્રતિબંધ મૂકવામાં આવ્યો છે.
માહિતી અનુસાર આ બધી યુટ્યુબ ચેનલો ભારત વિરુદ્ધ પ્રચાર ફેલાવી રહી હતી. આ કારણે ભારતમાં ડોન ન્યૂઝ, જીઓ ન્યૂઝ, એઆરવાય ન્યૂઝ, સમા ન્યૂઝ જેવી ચેનલો પર પ્રતિબંધ મૂકવામાં આવ્યો છે. પાકિસ્તાનની 16 યુટ્યુબ ચેનલો પર પ્રતિબંધ મૂકવામાં આવ્યો છે.
આ યુટ્યુબ ચેનલો પર પ્રતિબંધ મૂકવામાં આવ્યો છે:
ઉલ્લેખનીય છે કે, અહીં તમને જણાવી દઈએ કે વડા પ્રધાન નરેન્દ્ર મોદીની અધ્યક્ષતામાં મળેલી સુરક્ષા પરની કેબિનેટ સમિતિ (CCS) ની બેઠકમાં ભારતે સિંધુ જળ સંધિ બંધ કરવાનો નિર્ણય લીધો છે. વિદેશ સચિવ વિક્રમ મિશ્રીએ જણાવ્યું હતું કે ભારતે સિંધુ જળ સંધિ હાલ પૂરતું બંધ કરવાનો નિર્ણય લીધો છે. ભારત-પાકિસ્તાન સંબંધોમાં વધતા તણાવને ધ્યાનમાં રાખીને આ પગલું લેવામાં આવ્યું છે.
આ સાથે, સરકારે સાર્ક હેઠળ પાકિસ્તાની નાગરિકોને આપવામાં આવતી તમામ વિઝા મુક્તિઓ રદ કરવાનો પણ નિર્ણય લીધો છે. આ ઉપરાંત ભારતમાં પાકિસ્તાની દૂતાવાસ બંધ કરવાની પ્રક્રિયા શરૂ કરવામાં આવી રહી છે. કેન્દ્ર સરકારે પાકિસ્તાની રાજદ્વારીઓને 48 કલાકની અંદર ભારત છોડવાનો નિર્દેશ આપ્યો છે.
