શ્રીલંકાના બોલરે બંને હાથે કરી બોલિંગ, જોઈને ફેન્સ થયા આશ્ચર્યચકિત
IND vs SL: ટીમ ઈન્ડિયાએ શાનદાર પ્રદર્શન કર્યું છે અને ભારત-શ્રીલંકા વચ્ચેની ટી-20 ક્રિકેટ શ્રેણીની પ્રથમ મેચ જીતી લીધી છે. ટીમ ઈન્ડિયાની આ જીતમાં ઓપનર શુભમન ગિલ, યશસ્વી જયસ્વાલ, સૂર્યકુમાર યાદવ અને રિષભ પંતની શાનદાર ઈનિંગ્સ અને રેયાન પરાગ, અર્શદીપ સિંહ અને અક્ષર પટેલની બોલિંગે મહત્વની ભૂમિકા ભજવી હતી. આ મેચમાં શ્રીલંકાને 43 રનથી હારનો સામનો કરવો પડ્યો હતો. શ્રીલંકાની હાર છતાં ટીમનો એક ખેલાડી સોશિયલ મીડિયા પર હેડલાઈન્સ બનાવી રહ્યો છે. શ્રીલંકાના આ ખેલાડીએ ભારત સામેની મેચમાં બંને હાથે બોલિંગ કરીને લોકોને ચોંકાવી દીધા હતા.
કોણ છે આ બોલર?
મેચમાં બંને હાથે બોલિંગ કરનાર ખેલાડી શ્રીલંકાના સ્પિનર કામિન્દુ મેન્ડિસ હતો. શુભમન ગિલ અને યશસ્વી જયસ્વાલની વિસ્ફોટક શરૂઆત બાદ સૂર્યકુમાર યાદવ અને રિષભ પંત પણ ક્રીઝ પર ઝડપી ગતિએ રન બનાવી રહ્યા હતા. દરમિયાન શ્રીલંકા માટે 10મી ઓવર ફેંકનાર કામિન્દુ મેન્ડિસે સૂર્યકુમાર યાદવને ડાબા હાથે અને ઋષભ પંત સામે જમણા હાથે બોલિંગ કરીને બધાને ચોંકાવી દીધા હતા. કામિન્દુ મેન્ડિસે આ ઓવરમાં કુલ 9 રન આપ્યા હતા અને તેને કોઈ સફળતા મળી ન હતી.
Kamindu Mendis is bowling Surya Kumar Yadav with the left hand and Rishabh Pant with the right hand 😯 pic.twitter.com/1yM5ObBzKJ
— Farhan Ali Ashfaq (@photo_gra_pher) July 27, 2024
બંને હાથ વડે બોલિંગ કરનાર ખેલાડીઓ
ક્રિકેટમાં અત્યાર સુધીમાં 3 ખેલાડીઓ બંને હાથે બોલિંગ કરી ચૂક્યા છે. આમાં પહેલું નામ ઈંગ્લેન્ડના ભૂતપૂર્વ ખેલાડી ગ્રેહામ ગૂચનું છે. ગ્રેહામ ગૂચ જમણા હાથનો બોલર હતો પરંતુ કેટલીકવાર તેણે ડાબા હાથે પણ ઓવર ફેંકી છે. આ યાદીમાં બીજા સ્થાને પાકિસ્તાની ખેલાડી હનીફ મોહમ્મદ છે, જે જમણેરી ઓફ બ્રેક બોલર હતો પરંતુ તે બંને હાથે બોલિંગ કરતો જોવા મળ્યો હતો. ત્યાં જ ત્રીજા નંબર પર શ્રીલંકાના હસન તિલકરત્ને છે, જે જમણા અને ડાબા બંને હાથે બોલિંગ કરતો જોવા મળ્યો હતો. આ યાદીમાં શ્રીલંકાના કામિન્દુ મેન્ડિસનું ચોથું નામ જોડાઈ ગયું છે. કામિન્દુએ ભારત સામે બંને હાથે બોલિંગ કરીને સૌને ચોંકાવી દીધા છે.
Kamindu Mendis is bowling Surya Kumar Yadav with the left hand and Rishabh Pant with the right hand ! Rare Talent For kamindu 👏#INDvsSL #Paris2024 #Israel #Olympics #CricketTwitter pic.twitter.com/BX8ec4MDia
— Cricket Momentum (@Crick_Momentum) July 28, 2024
ભારત પાસે પણ આવો દુર્લભ હીરો છે
ભારત પાસે પણ એક અનોખો હીરો છે જે બંને હાથે બોલિંગ કરે છે. જો કે હાલમાં આ ખેલાડી અંડર-16 મેચ રમી રહ્યો છે. આ ખેલાડીનું નામ છે સોહમ પટવર્ધન, જે મધ્યપ્રદેશ તરફથી જુનિયર ક્રિકેટ રમી રહ્યો છે. બેટિંગની સાથે સોહમ પટવર્ધન નિયમિતપણે બંને હાથે બોલિંગ કરતો જોવા મળે છે. તેની આ ખાસ ક્ષમતા પર BCCI પણ નજર રાખી રહ્યું છે.
