ભયાનક વાવાઝોડાના એંધાણ! છત્તીસગઢ-UPમાં 18 મોત, ભારેથી અતિભારે વરસાદની આગાહી
Weather Forecast: દેશભરમાં ભારે વરસાદના કારણે તબાહી મચી જવા પામી છે. ગઈકાલે આંધ્રપ્રદેશ, હિમાચલ, રાજસ્થાન, મધ્યપ્રદેશ, ઉત્તર પ્રદેશ અને છત્તીસગઢમાં ભારે વરસાદ થયો હતો, જેના કારણે લોકોએ જીવ ગુમાવ્યો હતો. છત્તીસગઢમાં વીજળી પડવાથી 9 લોકોના મોત થયા છે. ઉત્તર પ્રદેશમાં પણ અલગ-અલગ અકસ્માતમાં એક જ દિવસમાં 9 લોકોએ જીવ ગુમાવ્યા છે.
આજે પણ હવામાન વિભાગે 20 થી વધુ રાજ્યોમાં વરસાદનું એલર્ટ જાહેર કર્યું છે. બંગાળની ખાડીમાં લો પ્રેશર બનવાના કારણે ભારે વાવાઝોડાનો ભય છે. આવી સ્થિતિમાં, દરિયાકાંઠાના રાજ્યોમાં ભારે વરસાદ થઈ શકે છે અને 40 થી 50 કિલોમીટર પ્રતિ કલાકની ઝડપે તોફાન તબાહી મચાવી શકે છે. IMDએ 7 રાજ્યોમાં ભારે વરસાદનું રેડ એલર્ટ આપ્યું છે. બાકીના રાજ્યોમાં 2 દિવસ માટે ઓરેન્જ એલર્ટ રહેશે. ચાલો જાણીએ કે દેશભરમાં હવામાનની સ્થિતિ શું છે?
Animation picture of Doppler Radar over Gopalpur (Odisha) from 0848-1148 UTC shows moderate to intense convective clouds over south Odisha & north coastal Andhra Pradesh.@moesgoi @ndmaindia @airnewsalerts @ndmaindia @DDNewslive pic.twitter.com/T4HAyYZGr4
— India Meteorological Department (@Indiametdept) September 8, 2024
આજે અને આગામી 2 દિવસ રાજ્યોમાં હવામાન આવું રહેશે
બંગાળની ખાડીમાં લો પ્રેશર વિસ્તાર બનવાને કારણે ચક્રવાત સર્જાઈ રહ્યું છે. જેના કારણે આંધ્રપ્રદેશ, ઓડિશા, તેલંગાણા, છત્તીસગઢ, ઝારખંડ, હિમાચલ પ્રદેશ, રાજસ્થાનમાં વરસાદ થઈ રહ્યો છે. આ રાજ્યોમાં આગામી 3 દિવસ સુધી હવામાન ખરાબ રહેશે. રાજધાની દિલ્હી અને તેની આસપાસના શહેરોમાં આજે અને આવતીકાલે હળવા વરસાદની સંભાવના છે. છત્તીસગઢમાં 11 સપ્ટેમ્બરથી ભારે વરસાદની સંભાવના છે. ત્યાં સુધી 3 દિવસ સુધી હવામાન ખરાબ રહેશે.
Animation picture of Satellite captured by INSAT 3DR at 0615-1115 UTC shows Depression over westcentral and adjoining northwest Bay of Bengal.@moesgoi @airnewsalerts @ndmaindia @DDNewslive pic.twitter.com/wdsEAqMRvz
— India Meteorological Department (@Indiametdept) September 8, 2024
ઉત્તર પ્રદેશમાં 11 અને 12 સપ્ટેમ્બરે સારો વરસાદ થઈ શકે છે. રાજ્યમાં 4 દિવસ સુધી હવામાન ખરાબ રહેશે. IMDએ ઉત્તરાખંડના 13 જિલ્લામાં ભારે વરસાદની આગાહી કરી છે. પહાડોમાં લેન્ડ સ્લાઇડ થવાને કારણે અકસ્માતનો ભય રહે છે. હવામાન વિભાગે હિમાચલ પ્રદેશના 5 જિલ્લામાં ભારેથી અતિભારે વરસાદની સંભાવના વ્યક્ત કરી છે. હવામાન વિભાગે લોકોને પહાડી વિસ્તારોમાં ન જવાની સલાહ આપી છે.
