સુપ્રીમ કોર્ટે દેશભરમાં બુલડોઝરની કાર્યવાહી પર પ્રતિબંધ મૂક્યો!
Supreme Court On Bulldozer Action: સુપ્રીમ કોર્ટે દેશભરમાં બુલડોઝરની કાર્યવાહી પર પ્રતિબંધ મૂક્યો છે. હવે સુપ્રીમ કોર્ટમાં આ કેસની આગામી સુનાવણી 1 ઓક્ટોબરે થશે. સુપ્રીમ કોર્ટ દ્વારા કહેવામાં આવ્યું હતું કે આગામી સુનાવણી સુધી અમારી પરવાનગી લીધા પછી જ કાર્યવાહી કરવામાં આવે.
The Supreme Court has banned the arbitrary BULLDOZER action being taken in various states. The BAN will remain in place until the next hearing on October 1. No demolition action will be taken during this period without the permission of the court.
However, the court clarified… pic.twitter.com/o2Ik3gw2m2
— Megh Updates 🚨™ (@MeghUpdates) September 17, 2024
સુપ્રીમ કોર્ટની સૂચના અનુસાર હવે 1 ઓક્ટોબર સુધી બુલડોઝરની કાર્યવાહી પર પ્રતિબંધ મુકવામાં આવ્યો છે. જો કે, કોર્ટે સ્પષ્ટ કર્યું છે કે આ સૂચના રસ્તાઓ, ફૂટપાથ અથવા રેલ્વે લાઇનને બ્લોક કરીને કરવામાં આવેલા ગેરકાયદેસર બાંધકામ પર લાગુ થશે નહીં. વધુમાં સુપ્રીમ કોર્ટે કહ્યું કે તમામ પક્ષકારોને સાંભળ્યા બાદ તે બુલડોઝરની કાર્યવાહી અંગે દેશભરમાં લાગુ કરવા માટેની માર્ગદર્શિકા બનાવશે.
અમારી પરવાનગી વિના બુલડોઝર નહીં ચાલે: SC
જસ્ટિસ બીઆર ગવઈ અને જસ્ટિસ કે.વી.વિશ્વનાથનની બેન્ચે આરોપીઓની ઈમારતોને શિક્ષાત્મક પગલા તરીકે તોડી પાડવાની કાર્યવાહી વિરુદ્ધ અલગ-અલગ રાજ્ય સરકારો દ્વારા દાખલ કરવામાં આવેલી અરજી પર આ નિર્દેશ આપ્યો હતો. સુપ્રીમ કોર્ટે નિર્દેશ આપતા કહ્યું કે 1 ઓક્ટોબર સુધી અમારી પરવાનગી વિના દેશમાં ક્યાંય પણ બુલડોઝરની કાર્યવાહી નહીં થાય.
આ પણ વાંચો: જથ્થાબંધ ફુગાવો 4 મહિનામાં પહેલીવાર 2%થી નીચે, ઓગસ્ટમાં 1.31% થયો WPI
અરજીકર્તા જમિયત ઉલેમા-એ-હિંદ તરફથી સુપ્રીમ કોર્ટમાં દાખલ કરવામાં આવેલી અરજીમાં કહેવામાં આવ્યું છે કે ભાજપ શાસિત રાજ્યોમાં મુસ્લિમોને નિશાન બનાવીને બુલડોઝરની કાર્યવાહી કરવામાં આવી રહી છે. લાઈવ લોના અહેવાલ મુજબ, સોલિસિટર જનરલ તુષાર મહેતાએ સુપ્રીમ કોર્ટના આદેશ સામે વાંધો ઉઠાવ્યો અને કહ્યું કે અધિકારીઓના હાથ આ રીતે બાંધી શકાય નહીં.
જો કે, બેન્ચે કોઈ પણ પ્રકારની ઉદારતા બતાવવાનો ઇનકાર કર્યો હતો, એમ કહીને કે જો ડિમોલિશનને એક અઠવાડિયા માટે અટકાવવામાં આવે તો ‘આસમાન નહીં પડી જાય’. બેન્ચે કહ્યું કે તેણે બંધારણની કલમ 142 હેઠળ તેની વિશેષ શક્તિઓનો ઉપયોગ કરીને આ નિર્દેશ પસાર કર્યો છે.
