ભારતના આ ગામમાં ફેલાઇ અજીબોગરીબ બીમારી, લોકોને અચાનક પડવા લાગી ટાલ
Maharashtra Buldhana Hairfall: મહારાષ્ટ્રના બુલઢાણા જિલ્લાના કેટલાક ગામોમાં ટાલ પડવાનો ભય જોવા મળી રહ્યો છે. માહિતી અનુસાર, છેલ્લા કેટલાક દિવસોથી આ ગામોના ઘણા લોકોના વાળ ઝડપથી ખરી રહ્યા છે. લોકોને 3 દિવસમાં ટાલ પડવા લાગી. આ માહિતી જિલ્લાના ઉચ્ચ અધિકારીઓ સુધી પહોંચતા વહીવટીતંત્ર એક્શનમાં આવ્યું હતું. માહિતી અનુસાર, જે લોકોના વાળ ખરી ગયા છે તેમના સેમ્પલ અને તે વિસ્તારના પાણીના સેમ્પલ લેવામાં આવ્યા છે.
महाराष्ट्र: 3 गांवों में फैली रहस्यमयी बीमारी, सिर पर हाथ फेरते ही गिरने लगते हैं बाल, 3 दिन में गंजे होने लगे लोग #Maharashtra pic.twitter.com/2ueDFPIhrS
— Suresh Upadhyay (@AnnuUpadhyay40) January 8, 2025
શું છે સમગ્ર મામલો?
ન્યૂઝ અહેવાલ મુજબ, બુલઢાણા જિલ્લાના બોંડગાંવ, કાલવાડ અને હિંગણા ગામના સ્થાનિક લોકોએ ‘રહસ્યમય’ બીમારીથી પીડિત હોવાનો દાવો કર્યો છે. તેમનું કહેવું છે કે આ બીમારીને કારણે લોકોને માત્ર ત્રણ દિવસમાં ટાલ પડી જાય છે. ગ્રામજનોના મતે, આ રોગ લગભગ દરેક પીડિતને સમાન પેટર્નમાં ટાલ પડવા લાગી છે. પહેલા દિવસે માથામાં ખંજવાળ આવે છે. પછી વાળ સીધા થવા લાગે છે અને ત્રીજા દિવસે વ્યક્તિને સંપૂર્ણ રીતે ટાલ પડી જાય છે.
એક પછી એક અનેક લોકો ટાલ પડતાં લોકોમાં ગભરાટનો માહોલ છે. અત્યાર સુધીમાં કેટલા લોકો તેનાથી પીડાય છે તે સંપૂર્ણ રીતે સ્પષ્ટ નથી. એવું કહેવામાં આવ્યું છે કે મોટી સંખ્યામાં ગ્રામજનો આ સમસ્યાનો સામનો કરી રહ્યા છે. પીડિતોમાં ઘણી મહિલાઓનો પણ સમાવેશ થાય છે. લોકોનું કહેવું છે કે આરોગ્ય વિભાગ હજુ પણ આ સમસ્યાથી અજાણ છે, તેથી તેઓ ખાનગી તબીબો પાસેથી સારવાર લઈ રહ્યા છે. રિપોર્ટ અનુસાર, કેટલાક ડોક્ટરોએ પીડિતોના ઘરમાં ઉપયોગમાં લેવાતા શેમ્પૂ પ્રોડક્ટ્સ પર શંકા વ્યક્ત કરી હતી, પરંતુ એવું કહેવામાં આવ્યું કે ઘણા પીડિતોએ આજ સુધી શેમ્પૂનો ઉપયોગ કર્યો નથી, તો પછી તેમને કેવી રીતે ટાલ પડવા લાગી.
આરોગ્ય વિભાગે સર્વે હાથ ધર્યો હતો
મામલો સામે આવ્યા બાદ જિલ્લા પરિષદના આરોગ્ય વિભાગે બોંડગાંવમાં સર્વે હાથ ધર્યો છે. જેમાં 30 લોકો વાળ ખરવાની સમસ્યાથી પ્રભાવિત હોવાનું જાણવા મળ્યું છે. આરોગ્ય વિભાગની ટીમ ગામમાં પહોંચી અને પીડિતોમાં દેખાતા લક્ષણોનું મૂલ્યાંકન કરવાનું શરૂ કર્યું છે. દર્દીઓને કેટલીક સારવાર આપવામાં આવી રહી છે. રિપોર્ટ અનુસાર, જિલ્લા આરોગ્ય અધિકારીની સાથે કેન્દ્રીય આયુષ રાજ્ય મંત્રી પ્રતાપરાવ જાધવને પણ પરિસ્થિતિ વિશે જાણ કરવામાં આવી છે.
