July 18, 2024

આકાશ આનંદની BSPમાં વાપસી, રાષ્ટ્રીય સંયોજક બન્યા, માયાવતીએ કરી જાહેરાત

Akash Anand Successor: ઉત્તર પ્રદેશમાં બસપાના વડા માયાવતીએ રવિવારે લોકસભા ચૂંટણીમાં પાર્ટીની કારમી હારની સમીક્ષા કરવા માટે એક મહત્વપૂર્ણ બેઠક યોજી હતી. મીટિંગ દરમિયાન માયાવતી તેમના ભત્રીજા આકાશ આનંદના માથા પર હાથ મૂકીને તેમને આશીર્વાદ આપતા જોવા મળ્યા હતા. થોડા સમય બાદ, આકાશ આનંદની ફરીથી બસપામાં વાપસીની જાહેરાત કરવામાં આવી. માયાવતીએ ફરી આકાશ આનંદને પોતાનો ઉત્તરાધિકારી બનાવ્યો. આકાશ આનંદને રાષ્ટ્રીય સંયોજકનું પદ આપવામાં આવ્યું છે. હકિકતે, ભત્રીજા આકાશ આનંદના રિલોન્ચની તૈયારીઓ પહેલાથી જ ચાલી રહી હતી. બસપા સુપ્રીમો માયાવતીએ સમીક્ષા બેઠક પહેલા જ આનો સંકેત આપ્યો હતો. માયાવતીએ શનિવારે ભત્રીજા આકાશ આનંદને પંજાબ અને ઉત્તરાખંડમાં યોજાનારી વિધાનસભા પેટાચૂંટણી માટે સ્ટાર પ્રચારક બનાવ્યા છે. બીએસપી નેતા આકાશ આનંદને સ્ટાર પ્રચાર યાદીમાં બીજું સ્થાન મળ્યું છે.

નોધનીય છે કે, જણાવી દઈએ કે બસપા સુપ્રીમો માયાવતીએ લોકસભા ચૂંટણી માટે જાહેર કરાયેલ 20 સ્ટાર પ્રચારકોની યાદીમાં તેમને બીજા સ્ટાર પ્રચારક બનાવ્યા હતા. તેમને સ્ટાર પ્રચારક બનાવવામાં આવ્યા તેના થોડા મહિના પહેલા માયાવતીએ તેમને પોતાના અનુગામી તરીકે જાહેર કર્યા હતા. લોકસભા ચૂંટણી દરમિયાન આકાશ આનંદની મોટાભાગની સભાઓ પણ યુપીમાં જ આયોજિત કરવામાં આવી હતી, પરંતુ સીતાપુરમાં ચૂંટણી સભા દરમિયાન તેના દ્વારા આપવામાં આવેલા વિવાદાસ્પદ નિવેદન બાદ માયાવતીએ તેની સામે એફઆઈઆર દાખલ થતાં જ આકાશના તમામ કાર્યક્રમો પર પ્રતિબંધ લગાવી દીધો હતો. આટલું જ નહીં મે મહિનામાં તેમને રાષ્ટ્રીય સંયોજક પદ પરથી હટાવવાની સાથે તેમના ઉત્તરાધિકારીની જવાબદારીમાંથી પણ મુક્ત કરવામાં આવ્યા હતા.


માયાવતીએ આકાશને તેમના હોદ્દા પરથી મુક્ત કર્યા હશે, પરંતુ લોકસભાની ચૂંટણી દરમિયાન તેમના ભાષણોએ કેડરમાં ભારે અનુયાયીઓ બનાવ્યા. લોકસભા ચૂંટણીમાં માયાવતીની હારની સમીક્ષા બેઠકો દરમિયાન મળેલા મોટાભાગના અધિકારીઓએ આકાશની વાપસીની ઈચ્છા વ્યક્ત કરી હતી. ત્યારથી એવું માનવામાં આવતું હતું કે આકાશ ટૂંક સમયમાં સક્રિય રાજકારણમાં જોવા મળશે અને પાર્ટી માટે પ્રચાર કરશે. આ પછી શનિવારે પંજાબ અને ઉત્તરાખંડ પેટાચૂંટણીમાં તેમને સ્ટાર પ્રચારક બનાવીને સંકેતો આપવામાં આવ્યા હતા. ઉત્તરાખંડ અને પંજાબ પેટાચૂંટણી માટે સ્ટાર પ્રચારકોની યાદી બહાર આવ્યા બાદ આકાશ ફરી રાજકીય રીતે સક્રિય થવાની ચર્ચાઓ શરૂ થઈ ગઈ છે અને માનવામાં આવે છે કે વહેલા તે મોડેથી તે સક્રિય રાજકારણમાં આવશે. આ પછી, રવિવારે માયાવતીએ મીટિંગમાં આકાશની વાપસીની જાહેરાત કરી.

માયાવતીએ શા માટે આ પદ છીનવી લીધું?
માયાવતી તેમના પછી ભત્રીજા આકાશને BSPમાં નંબર ટુ રાખવા માંગે છે. તેથી જ તેમને પોતાનો ઉત્તરાધિકારી બનાવવાની સાથે લોકસભાની ચૂંટણીમાં મોટી જવાબદારી સોંપવામાં આવી હતી, પરંતુ તેમને કેમ હટાવવામાં આવ્યા? પરંતુ પાર્ટીના લોકો કહે છે કે તે આકાશને કોઈપણ વિવાદમાં ફસાવા દેવા માંગતી નથી. તે એ પણ નથી ઈચ્છતી કે તેનું લોન્ચિંગ બગડે અને ચૂંટણીમાં હારનો દોષ તેના માથે આવે. આકાશ અન્ય રાજ્યોની જવાબદારીઓ સંભાળી ચૂક્યો છે. આવી સ્થિતિમાં, તેમને અન્ય રાજ્યોની જવાબદારી આપવામાં આવી રહી છે અને ધીમે ધીમે વર્ષ 2027માં યુપી વિધાનસભાની ચૂંટણીમાં તેમને સંપૂર્ણ રીતે લોન્ચ કરવામાં આવશે.