IND vs BAN: બાંગ્લાદેશે ટોસ જીત્યો, ચેન્નાઈ ટેસ્ટમાં આ પ્લેઈંગ ઈલેવન સાથે ઉતરી ટીમ ઈન્ડિયા
IND vs BAN: ચેન્નાઈમાં ભારત અને બાંગ્લાદેશ વચ્ચે 2 મેચની ટેસ્ટ શ્રેણીની પ્રથમ મેચ રમાઈ રહી છે. બાંગ્લાદેશના કેપ્ટન નઝમુલ હુસેન શાંતોએ ટોસ જીતીને પ્રથમ બોલિંગ કરવાનો નિર્ણય લીધો છે. બાંગ્લાદેશે પોતાની ટીમમાં કોઈ ફેરફાર કર્યો નથી. બાંગ્લાદેશે 3 પેસરો સાથે જવાનો નિર્ણય કર્યો છે. ત્રણ ફાસ્ટ બોલરો ઉપરાંત બાંગ્લાદેશે બે સ્પિન ઓલરાઉન્ડરોને પ્લેઈંગ ઈલેવનમાં સામેલ કર્યા છે. ભારત 3 પેસર અને 2 સ્પિનરો સાથે પણ રમી રહ્યું છે. ભારતીય પ્લેઈંગ-11માં જસપ્રીત બુમરાહ, આકાશદીપ, મોહમ્મદ સિરાજ, અશ્વિન અને જાડેજાને સામેલ કરવામાં આવ્યા છે. ટોસ હાર્યા બાદ ભારતીય કેપ્ટન રોહિત શર્માએ કહ્યું કે પિચની સ્થિતિને જોતા તે પણ પહેલા બોલિંગ કરવા માંગે છે.
આ મેચ સાથે રિષભ પંત લાંબા સમય બાદ ટેસ્ટ ક્રિકેટમાં વાપસી કરી રહ્યો છે. વર્ષ 2022માં એક ભયાનક કાર અકસ્માતમાં ઘાયલ થયા બાદ પંત પ્રથમ વખત ટેસ્ટ ક્રિકેટ રમતા જોવા મળશે. તે 632 દિવસ બાદ ટેસ્ટ ક્રિકેટમાં વાપસી કરવા જઈ રહ્યો છે. પંત ઉપરાંત કેએલ રાહુલે પણ ટીમ ઈન્ડિયામાં પુનરાગમન કર્યું છે.
નોંધનીય છે કે વર્લ્ડ ટેસ્ટ ચેમ્પિયનશિપ (WTC) 2023-25ના દૃષ્ટિકોણથી ટીમ ઈન્ડિયા માટે આ શ્રેણી ખૂબ જ મહત્વપૂર્ણ છે. WTC પોઈન્ટ ટેબલમાં ભારત 74 પોઈન્ટ અને 68.52 PCT સાથે પ્રથમ સ્થાને છે. ઓસ્ટ્રેલિયા 90 પોઈન્ટ અને 62.50 PCT સાથે બીજા સ્થાને છે.
🚨 Toss Update from Chennai
Bangladesh have elected to bowl against the @ImRo45-led #TeamIndia in the first #INDvBAN Test!
Follow The Match ▶️ https://t.co/jV4wK7BOKA @IDFCFIRSTBank pic.twitter.com/bbzAoNppiX
— BCCI (@BCCI) September 19, 2024
બંને ટીમોની પ્લેઈંગ-11 નીચે મુજબ છે.
ભારતની પ્લેઈંગ ઈલેવન: રોહિત શર્મા (કેપ્ટન), યશસ્વી જયસ્વાલ, શુભમન ગિલ, વિરાટ કોહલી, કેએલ રાહુલ, રિષભ પંત (વિકેટકીપર), રવિન્દ્ર જાડેજા, રવિચંદ્રન અશ્વિન, જસપ્રિત બુમરાહ, આકાશ દીપ, મોહમ્મદ સિરાજ.
બાંગ્લાદેશની પ્લેઈંગ ઈલેવન: શાદમાન ઈસ્લામ, ઝાકિર હસન, નઝમુલ હુસૈન શાંતો (કેપ્ટન), મોમિનુલ હક, મુશફિકુર રહીમ, શાકિબ અલ હસન, લિટન દાસ (વિકેટકીપર), મેહદી હસન મિરાજ, તસ્કીન અહેમદ, હસન મહમૂદ, નાહીદ રાણા.
🚨 Here's our Playing XI 🔽
Follow The Match ▶️ https://t.co/jV4wK7BOKA #TeamIndia | #INDvBAN | @IDFCFIRSTBank pic.twitter.com/0WoiP87k7p
— BCCI (@BCCI) September 19, 2024
બંને ટીમો આ પ્રમાણે છે:-
ભારત: રોહિત શર્મા (કેપ્ટન), યશસ્વી જયસ્વાલ, શુભમન ગિલ, વિરાટ કોહલી, લોકેશ રાહુલ, સરફરાઝ ખાન, રિષભ પંત, ધ્રુવ જુરેલ, રવિચંદ્રન અશ્વિન, રવિન્દ્ર જાડેજા, અક્ષર પટેલ, કુલદીપ યાદવ, મોહમ્મદ સિરાજ, આકાશ દીપ, જસપ્રિત બુમરાહ અને યશ દયાલ.
બાંગ્લાદેશ: નઝમુલ હુસૈન શાંતો (કેપ્ટન), મહમુદુલ હસન જોય, ઝાકિર હસન, શાદમાન ઈસ્લામ, મોમિનુલ હક, મુશફિકુર રહીમ, શાકિબ અલ હસન, લિટન દાસ, મેહદી હસન મિરાજ, તૈજુલ ઈસ્લામ, નઈમ હસન, નાહીદ રાણા, હસન મહમૂદ, તસ્કીન અહેમદ. , સૈયદ ખાલિદ અહેમદ અને ઝાકિર અલી અનિક.
