મહાકુંભ પર CM મમતા બેનર્જીનું વિવાદાસ્પદ નિવેદન, કહ્યું-‘આ મૃત્યુ કુંભ છે’

CM Mamata Banerjee: પશ્ચિમ બંગાળના મુખ્યમંત્રી મમતા બેનર્જીએ ઉત્તર પ્રદેશના પ્રયાગરાજમાં ચાલી રહેલા મહાકુંભ અંગે વિવાદાસ્પદ નિવેદન આપ્યું છે. મુખ્યમંત્રી મમતા બેનર્જીએ મહાકુંભને મૃત્યુ કુંભ ગણાવ્યો છે. મમતા બેનર્જીએ કહ્યું કે આ હવે મહાકુંભ રહ્યું નથી, તે મૃત્યુ કુંભ બની ગયું છે. વિધાનસભામાં બોલતા, મમતા બેનર્જીએ સરકાર પર મહાકુંભ માટે કોઈ વ્યવસ્થા ન કરવાનો આરોપ લગાવ્યો છે.

Kolkata: On #MahaKumbh2025, West Bengal CM Mamata Banerjee says, "This is 'Mrityu Kumbh'…I respect Maha Kumbh, I respect the holy Ganga Maa. But there is no planning…How many people have been recovered?…For the rich, the VIP, there are systems available to get camps (tents)… pic.twitter.com/6T0SyHAh0e

— ANI (@ANI) February 18, 2025

મમતા બેનર્જીએ શું કહ્યું?
પશ્ચિમ બંગાળના મુખ્યમંત્રી મમતા બેનર્જીએ મહાકુંભ અંગે કહ્યું કે હવે તે મહાકુંભ નથી રહ્યો, તે મૃત્યુકુંભ બની ગયો છે. મહાકુંભ પ્રત્યે સમ્માન અને શ્રદ્ધા છે. મને પવિત્ર માતા ગંગા પ્રત્યે સંપૂર્ણ સમ્માન છે પણ તેમણે શું કર્યું? કોઈ આયોજન નહોતું, ફક્ત હોબાળો મચાવ્યો, આટલા બધા લોકો મૃત્યુ પામ્યા છે.

સરકારે કુંભ માટે કોઈ વ્યવસ્થા કરી ન હતી: મમતા
મમતા બેનર્જીએ કહ્યું કે તેઓ મહાકુંભ અને માતા ગંગાનું સન્માન કરે છે પરંતુ વાસ્તવિકતા એ છે કે સરકારે કુંભ માટે કોઈ વ્યવસ્થા કરી નથી. એટલા માટે આટલા બધા લોકો મૃત્યુ પામ્યા. મમતા બેનર્જીએ કહ્યું કે અમીર લોકો માટે ખાસ કેમ્પ બનાવવામાં આવ્યા છે, તેમનું ભાડું દરરોજ 1 લાખ રૂપિયા છે પરંતુ ગરીબો માટે કોઈ વ્યવસ્થા નથી. મમતાએ કહ્યું કે આવા મેળાઓમાં હંમેશા ભાગદોડનો ભય રહે છે પરંતુ આ વખતે સરકારે કોઈ વ્યવસ્થા કરી નથી.