જમ્મુ-કાશ્મીરની ચૂંટણીમાં CM યોગી ભજવશે વિશેષ ભૂમિકા
Jammu Kashmir Election 2024: જમ્મુ-કાશ્મીર વિધાનસભા ચૂંટણી માટે ભાજપે પોતાના સ્ટાર પ્રચારકોની યાદી જાહેર કરી છે. આ યાદીમાં ઉત્તર પ્રદેશના મુખ્યમંત્રી યોગી આદિત્યનાથનું નામ પણ છે. હવે સીએમ યોગી ઘાટીમાં પણ ભાજપના ઉમેદવારો માટે પ્રચાર કરતા જોવા મળશે. આ સાથે ઘાટીમાં સીએમ યોગીની એક અલગ સ્ટાઈલ પણ જોવા મળશે. સીએમ યોગીનું નામ ભાજપના ફાયર બ્રાન્ડ નેતાઓમાં ગણવામાં આવે છે અને તેઓ અવારનવાર પોતાના નિવેદનોને કારણે ચર્ચામાં રહે છે.
ભાજપે જમ્મુ-કાશ્મીર ચૂંટણી માટે પોતાના 40 સ્ટાર પ્રચારકોની યાદી જાહેર કરી છે. જેમાં વડાપ્રધાન નરેન્દ્ર મોદી, બીજેપી અધ્યક્ષ જેપી નડ્ડા, રક્ષા મંત્રી રાજનાથ સિંહ, ગૃહ મંત્રી અમિત શાહ, કેન્દ્રીય પરિવહન મંત્રી નીતિન ગડકરી, સીએમ યોગી આદિત્યનાથ સહિત બીજેપીના ઘણા નેતાઓના નામ સામેલ છે. જમ્મુ અને કાશ્મીરની 90 વિધાનસભા બેઠકો પર યોજાનારી વિધાનસભા ચૂંટણી માટે ભાજપે અત્યાર સુધીમાં તેના 50 થી વધુ ઉમેદવારોના નામની જાહેરાત કરી છે. તાજેતરમાં ભાજપે તેના ઉમેદવારોની ચોથી યાદી જાહેર કરી હતી, જેમાં 6 ઉમેદવારોના નામ હતા.
નોંધનીય છે કે, જમ્મુ-કાશ્મીર વિધાનસભાની ચૂંટણી ત્રણ તબક્કામાં યોજાવાની છે, જેમાં પ્રથમ તબક્કા માટે 18 સપ્ટેમ્બરે, બીજા તબક્કા માટે 25 સપ્ટેમ્બરે અને ત્રીજા તબક્કા માટે 1 ઓક્ટોબરે મતદાન થશે.
