દિલ્હીના એલજીનો અરુંધતિ રૉય વિરુદ્ધ એક્શન, BJP-વિપક્ષ વચ્ચે શાબ્દિક યુદ્ધ
નવી દિલ્હી: દિલ્હીના લેફ્ટનન્ટ ગવર્નર વીકે સક્સેનાએ લેખિકા અરુંધતી રોય અને કાશ્મીરના ભૂતપૂર્વ પ્રોફેસર શેખ શૌકત હુસૈન વિરુદ્ધ UAPA (ગેરકાયદેસર પ્રવૃત્તિઓ નિવારણ અધિનિયમ) હેઠળ કાર્યવાહી કરવાની મંજૂરી આપી છે. 2010માં નવી દિલ્હીમાં આયોજિત એક કાર્યક્રમમાં કથિત રીતે ભડકાઉ ભાષણ આપવા બદલ આ મંજૂરી આપવામાં આવી છે. જે બાદ વિપક્ષ અને ભારતીય જનતા પાર્ટી વચ્ચે શાબ્દિક યુદ્ધ છેડાયું હતું.
રાજ નિવાસના અધિકારીઓએ શુક્રવારે કહ્યું કે નવી દિલ્હીના મેટ્રોપોલિટન મેજિસ્ટ્રેટના આદેશ પર અરુંધતી રોય અને શેખ શૌકત હુસૈન વિરુદ્ધ FIR નોંધવામાં આવી છે. જે બાદ કોમ્યુનિસ્ટ પાર્ટી ઓફ ઈન્ડિયા, કોંગ્રેસ અને ટીએમસી વગેરેએ અરુંધતી રોય વિરુદ્ધ લેવાયેલા આ પગલાની નિંદા કરી છે અને કહ્યું છે કે આ પગલું ફાસીવાદી છે.
સોશિયલ મીડિયા એક્સ પર યુદ્ધ
CPI(M) એ ટ્વિટર પર લખ્યું, “નિંદનીય! દિલ્હી એલજીએ કથિત રીતે 14 વર્ષ પહેલાં 2010માં કથિત રીતે આપેલા ભાષણ માટે અરુંધતી રોય સામે કડક UAPA હેઠળ કાર્યવાહી કરવાની પરવાનગી માંગી છે. આ ફાસીવાદી પ્રકારના સિવાય કોઈપણ તર્કની બહાર છે. શરમજનક અને નિંદનીય અને આ સમય પણ શંકાસ્પદ છે કારણ કે કોર્ટ અને વકીલો રજા પર છે.
I strongly condemn the LG’s sanction to prosecute Arundhati Roy who is a brilliant mind, an internationally renowned writer, and a leading intellectual.
Fascism thrives on crushing dissent, particularly from intellectuals, artists, writers, poets & activists. @BJP4India…
— Hariprasad.B.K. (@HariprasadBK2) June 15, 2024
કોંગ્રેસે પણ આ પગલાનો વિરોધ કર્યો છે. કોંગ્રેસના નેતા હરિપ્રસાદ બીકે પ્રસાદે ટ્વિટર પર લખ્યું, “ફાસીવાદ અસંમતિને દબાવવા પર ખીલે છે, ખાસ કરીને બૌદ્ધિકો, કલાકારો, લેખકો, કવિઓ અને કાર્યકરોના. બીજેપી દરરોજ ધ્યાન હટાવવા અને અસહમત લોકોને દબાવવાનો પ્રયાસ કરી રહી છે. આ બધું કરીને ભાજપ પોતાની નિષ્ફળતાઓ પરથી ધ્યાન હટાવવા માંગે છે. “અભિવ્યક્તિની સ્વતંત્રતા અને લોકશાહી મૂલ્યો પરનો આ હુમલો અસ્વીકાર્ય છે.”
Delhi LG approves prosecution of Arundhati Roy under UAPA
Why is the Congress ecosystem rattled ?
First they support & take support from SDPI and now they cry for separatists
Does it not believe Kashmir is integral part of Bharat ?From Afzal to Yakub – Congress puts Votebank… pic.twitter.com/WHo2o3S182
— Shehzad Jai Hind (Modi Ka Parivar) (@Shehzad_Ind) June 15, 2024
નિંદા કરનારાઓને ભાજપે નિશાન બનાવ્યા
ભાજપે કોંગ્રેસ પર ‘અલગતાવાદી અને આતંકવાદી સંગઠનો’ પ્રત્યે સહાનુભૂતિ રાખવાનો આરોપ લગાવ્યો છે. શહેઝાદ પૂનાવાલાએ X પર લખ્યું, “દિલ્હીના લેફ્ટનન્ટ ગવર્નરે UAPA હેઠળ અરુંધતી રોય સામે કાર્યવાહી કરવાની મંજૂરી આપી છે. કોંગ્રેસ શા માટે આની ચિંતા કરે છે? પહેલા તેઓ SDPI ને ટેકો આપે છે અને તેમની પાસેથી ટેકો લે છે અને હવે તેઓ અલગતાવાદીઓ માટે રડી રહ્યા છે. શું તેઓ નથી માનતા કે કાશ્મીર ભારતનું અભિન્ન અંગ છે? અફઝલથી યાકુબ સુધી કોંગ્રેસ વોટ બેંકની નીતિને રાષ્ટ્રીય નીતિથી ઉપર રાખે છે?
ભાજપના પ્રવક્તા અજય આલોકે કહ્યું કે અરુંધતી રોયને ઘણા સમય પહેલા સજા મળવી જોઈતી હતી. તેમની સામે ખૂબ જ સારું પગલું ભરવામાં આવ્યું છે. તે માત્ર શહેરી નક્સલ જ નહીં પરંતુ એક આત્યંતિક નક્સલ પણ છે. જેઓ કાશ્મીરને ભારતનો ભાગ નથી કહેતા તેમની સામે કાર્યવાહી થવી જોઈએ.
