બેટ દ્વારકામાં સતત ચોથા દિવસે ડિમોલિશન યથાવત્, કરોડોની જમીન પર દબાણ હટાવ્યું

દ્વારકાઃ બેટ દ્વારકામાં સતત ચોથા દિવસે ડિમોલિશન કરવામાં આવી રહ્યું છે. ધાર્મિક દબાણ હટાવવાની કામગીરી યથાવત્ રાખવામાં આવી છે. બેટ દ્વારકા અને ઓખા વિસ્તારમાં પણ કામગીરી યથાવત્ રાખવામાં આવી છે.

છેલ્લા 3 દિવસમાં બેટ દ્વારકાના બાલાપર વિસ્તારમાં કામગીરી કરવામાં આવી છે. જેમાં 260 જેટલા રહેણાક મકાનો તોડી પાડવામાં આવ્યા છે. 60,800 ચોરસ મીટર જગ્યા પરનું દબાણ દૂર કરવામાં આવ્યું છે. અત્યાર સુધીમાં ત્યાં 35 કરોડથી વધુ કિંમતની જમીન પરનું દબાણ તંત્ર દ્વારા દૂર કરવામાં આવ્યું છે.

ઓખા મંડળ વિસ્તારમાં 3 ધાર્મિક સ્થળો તોડી પાડવામાં આવ્યા છે. ડિમોલિશનની કામગીરીમાં 1 હજાર સુરક્ષા જવાનો સાથે ઉચ્ચ અધિકારીઓ ખડેપગે તહેનાત છે. મેગા ડિમોલિશનની કામગીરી હજુ આગામી અનેક દિવસ સુધી ચાલે તેવી શક્યતા છે.