દ્વારકામાં સ્ટિયરિંગ પર કાબૂ ગુમાવતા થયો અકસ્માત, એકની હાલત ગંભીર

દ્વારકાઃ બરડિયા હોટલ ફર્ન પાસે ગમખ્વાર અકસ્માત સર્જાયો હતો. જેમાં 7 લોકોના મોત થયા હતા. અકસ્માતમાં ઇજાગ્રસ્ત થયેલા 9 લોકો સારવાર હેઠળ છે. જ્યારે એક વ્યક્તિ ગંભીર રીતે ઇજાગ્રસ્ત છે.

ખંભાળિયા હોસ્પિટલમાં ડોક્ટરોની ટીમ તૈયાર રાખવામાં આવી હતી. ખંભાળિયા હોસ્પિટલમાં કલેકટર પણ દોડી આવ્યા હતા અને તમામ માહિતી મેળવી હતી. ખાનગી બસ ચાલકે સ્ટિયરિંગ પરનો કાબૂ ગુમાવતા અકસ્માત સર્જાયો હતો. બસ ડિવાઇડર ક્રોસ કરી બીજી સાઈડ જતી રહેતા ઇકો કાર સાથે અને સ્વીફ્ટ કાર સાથે અથડાઈ હતી. આ સમગ્ર ઘટના અંગે કલેકટર જીટી પંડ્યાએ માહિતી આપી હતી.

શું હતી સમગ્ર ઘટના?
દ્વારકાથી 4 કિલોમીટર દૂર બરડિયા ફર્ન હોટેલ પાસે ગમખ્વાર અકસ્માત સર્જાયો છે. બસ, કાર અને બાઇક વચ્ચે અકસ્માત થયો છે. જેમાં 7 લોકોના મોત નીપજ્યા છે. જ્યારે અન્ય 25 જેટલા લોકો ઇજાગ્રસ્ત થયા છે. હાલ તે તમાને સારવાર માટે નજીકની હોસ્પિટલમાં ખસેડવામાં આવ્યો છે.