‘એકનાથ શિંદે ક્યારેય CM નહીં બની શકે…’, ફડણવીસના શપથ પહેલા સંજય રાઉતની ભવિષ્યવાણી
Sanjay Raut Taunt Eknath Shinde: દેવેન્દ્ર ફડણવીસ આજે સાંજે 5 વાગ્યે મુંબઈના આઝાદ મેદાનમાં સીએમ તરીકે શપથ લેશે. તેમની સાથે અજિત પવાર ડેપ્યુટી સીએમ તરીકે શપથ લેશે. શિવસેનાના એકનાથ શિંદે પણ ડેપ્યુટી સીએમ તરીકે શપથ લઈ શકે છે. જો કે, આ અંગે તેમના પક્ષ તરફથી કંઈ સ્પષ્ટ નથી. દરમિયાન દેવેન્દ્ર ફડણવીસે આજે સવારે સિદ્ધિવિનાયક ગણેશ મંદિર અને મુમ્બા દેવી મંદિરમાં પૂજા અર્ચના કરી હતી. દરમિયાન, શિવસેના યુબીટી નેતા સંજય રાઉતે મહાયુતિને સરકારની રચના પર અભિનંદન આપતાં પણ કટાક્ષ કર્યો છે.
#WATCH | Delhi: Ahead of the swearing-in ceremony of Maharashtra CM-designate Devendra Fadnavis today, Shiv Sena (UBT) leader Sanjay Raut says, "Shinde era is over, it was just for two years. His usage is now over and he has been tossed aside. Shinde will never be the CM of this… pic.twitter.com/4kyySN4uEZ
— ANI (@ANI) December 5, 2024
દિલ્હીમાં પત્રકારો સાથે વાત કરતા સંજય રાઉતે નવી સરકારના શપથ પહેલા ભવિષ્યવાણી કરી અને કહ્યું કે હવે એકનાથ શિંદે ક્યારેય સીએમ નહીં બની શકે. આવનારા સમયમાં તેમની પાર્ટી પણ તૂટશે. સંજય રાઉતે કહ્યું કે હવે એકનાથ શિંદેનો સમય પૂરો થઈ ગયો છે. મહાયુતિમાં તેમની જરૂરિયાત પૂરી થઈ ગઈ છે. હવે શિંદે ક્યારેય આ રાજ્યના સીએમ નહીં બને. આ દરમિયાન રાઉતે ભાજપ પર પણ નિશાન સાધ્યું હતું.
