પૂર્વ વડાપ્રધાન શેખ હસીનાની પાર્ટી પર પ્રતિબંધ, બાંગ્લાદેશની વચગાળાની સરકારે ભર્યું મોટું પગલું
Bangladesh: બાંગ્લાદેશથી એક મોટા સમાચાર સામે આવ્યા છે. બાંગ્લાદેશની વચગાળાની સરકારે શેખ હસીનાની પાર્ટી અવામી લીગ પર પ્રતિબંધ મૂક્યો છે. શનિવારે, મુખ્ય સલાહકાર મોહમ્મદ યુનુસે તેમના સત્તાવાર નિવાસસ્થાને એક કટોકટી બેઠક બોલાવી હતી જેમાં હસીનાની પાર્ટી પર પ્રતિબંધ મૂકવાની ચર્ચા કરવામાં આવી હતી, ત્યારબાદ સરકારે આ નિર્ણય લીધો હતો. બાંગ્લાદેશની મુખ્ય સલાહકાર મોહમ્મદ યુનુસના નેતૃત્વ હેઠળની વચગાળાની સરકારે શનિવારે ભૂતપૂર્વ વડા પ્રધાન શેખ હસીનાની પાર્ટી અવામી લીગ પર પ્રતિબંધ મૂકવાની જાહેરાત કરી.
યુનુસની વચગાળાની સરકારે શું કહ્યું?
યુનુસની વચગાળાની સરકારે જાહેરાત કરી કે આતંકવાદ વિરોધી કાયદા હેઠળ અવામી લીગ પર પ્રતિબંધ મૂકવામાં આવી રહ્યો છે. નિવેદનમાં વધુમાં કહેવામાં આવ્યું છે કે “આ સંદર્ભમાં સત્તાવાર ગેઝેટ સૂચના આગામી કાર્યકારી દિવસે જારી કરવામાં આવશે.” સલાહકાર પરિષદ અથવા કેબિનેટ દ્વારા એક નિવેદનમાં કહેવામાં આવ્યું છે કે દેશની સુરક્ષા અને સાર્વભૌમત્વના રક્ષણના હિતમાં બાંગ્લાદેશ આંતરરાષ્ટ્રીય ગુના ટ્રિબ્યુનલમાં આવામી લીગ અને તેના નેતાઓ સામે ટ્રાયલ પૂર્ણ ન થાય ત્યાં સુધી આ પ્રતિબંધ અમલમાં રહેશે. જુલાઈ 2024 ના બળવા પછી નેતાઓ અને કાર્યકરોને સુરક્ષિત રાખવાની જરૂરિયાતને પણ પ્રતિબંધનું કારણ ગણાવવામાં આવ્યું હતું.
આ પણ વાંચો: બોપલના Club O7માં હાઇપ્રોફાઇલ દારૂ પાર્ટીમાં દરોડા, 9ની અટકાયત
શેખ હસીના હાલમાં ભારતમાં રહે છે
2024 માં અનામત પ્રણાલી સામેના પ્રારંભિક વિરોધ હસીના વિરોધી આંદોલનમાં ફેરવાઈ ગયા કારણ કે તેમની સરકારે વિરોધ કરી રહેલા વિદ્યાર્થીઓ પર કડક કાર્યવાહી શરૂ કરી. ત્યારથી, 77 વર્ષીય હસીના ઢાકા છોડીને ભારતમાં રહે છે.
