હવામાન વિભાગની મોટી આગાહી, કેટલીક જગ્યાએ પડશે કમોસમી વરસાદ

અમદાવાદઃ રાજ્યમાં ભરઉનાળે કમોસમી વરસાદની આગાહી કરવામાં આવી છે. રાજ્યમાં કેટલાક જિલ્લામાં હીટવેવની આગાહી આપવામાં આવી છે. આજે કચ્છ, પોરબંદર, ભાવનગર, દીવમાં હીટવેવની આગાહી કરી છે.

પોરબંદરમાં ગરમીનું ઓરેન્જ અલર્ટ અપાયું છે. ગાજવીજ સાથે હળવાથી મધ્યમ વરસાદની આગાહી કરવામાં આવી છે. ગીર સોમનાથ,અમરેલી, ભાવનગર, ખેડા, આણંદ, મહીસાગર, દાહોદ, પંચમહાલ, વડોદરા, છોટાઉદેપુર, ભરૂચ , નર્મદા, સુરત, તાપી, ડાંગ, વલસાડ, નવસારી, દમણ, દાદરા નગર હવેલીમાં સામાન્ય વરસાદની આગાહી છે.

2જી એપ્રિલે ગીર સોમનાથ, અમરેલી, ભાવનગર, સાબરકાંઠા, અરવલ્લી, મહીસાગર, પંચમહાલ, દાહોદ, વડોદરા, છોટા ઉદેપુર, ભરૂચ, નર્મદા, સુરત, તાપી, ડાંગ, નવસારી, વલસાડ, દમણ, દાદરા નગર હવેલીમાં સામાન્ય વરસાદની આગાહી કરવામાં આવી છે.

આ ઉપરાંત 3જી એપ્રિલે છોટા ઉદેપુર, નર્મદા, તાપી, ડાંગ, નવસારી, વલસાડ, દમણ, દાદરા નગર હવેલીમાં સામાન્ય વરસાદની આગાહી કરવામાં આવી છે. મહારાષ્ટ્ર તરફ સાયક્લોનિક સર્ક્યુલેશન સર્જાતાં ગુજરાતમાં વરસાદની આગાહી કરવામાં આવી છે. આ ઉપરાંત પવનોમાં ભેજનું પ્રમાણ વધતા ગરમી અને માવઠાંની આગાહી પણ કરવામાં આવી છે.