રાજ્યમાં છેલ્લા 24 કલાકમાં 172 તાલુકામાં વરસાદ, સૌથી વધુ વાપીમાં 7 ઈંચ
અમદાવાદઃ રાજ્યમાં છેલ્લા 24 કલાકમાં 172 તાલુકામાં વરસાદ વરસ્યો છે. સૌથી વધુ વલસાડના વાપીમાં 7 ઇંચ વરસાદ નોંધાયો છે. રાજ્યના 33 તાલુકામાં 1 ઈંચથી વધુ વરસાદ નોંધાયો છે. આ ઉપરાંત વલસાડના કપરડામાં 6.5 ઈંચ વરસાદ, વલસાડના પારડીમાં 4.5 ઈંચ વરસાદ, જામનગરના જોડિયામાં 2.5 ઈંચ વરસાદ નોંધાયો છે.
અમદાવાદમાં વહેલી સવારથી વરસાદી માહોલ
અમદાવાદ શહેરમાં વહેલી સવારથી જ વરસાદી માહોલ છવાયો છે. શહેરના અનેક વિસ્તારમાં ધોધમાર વરસાદ વરસી રહ્યો છે. સરખેજ, મકરબા, પ્રહ્લાદ નગર, ઇસ્કોન, બોડકદેવ, બોપલ, થલતેજ, ગોતા, સાયન્સ સિટી વિસ્તારમાં ભારે વરસાદ વરસી રહ્યો છે.
આગામી ત્રણ કલાકને લઈ હવામાન વિભાગની આગાહી
દક્ષિણ ગુજરાતમાં ભારે વરસાદની આગાહી કરવામાં આવી છે. સુરત, વલસાડ, દમણ, નવસારી, ડાંગ, કચ્છ, તાપી, બનાસકાઠામાં ભારે વરસાદની આગાહી કરવામાં આવી છે. મોરબી, જામનગર, ગીર સોમનાથ, દીવ, અમરેલી, ભાવનગર, પાટણમાં હળવાથી ભારે વરસાદની આગાહી કરવામાં આવી છે. મહેસાણા, સાબરકાંઠા, છોટા ઉદેપુર, વડોદરા, ભરૂચ, નર્મદામાં હળવાથી ભારે વરસાદની આગાહી કરવામાં આવી છે. અમદાવાદ, ગાંધીનગર, આણંદ, અરવલ્લી, મહીસાગર, પંચમહાલ, દાહોદ, સુરેન્દ્રનગરમાં પણ હળવા વરસાદની આગાહી કરવામાં આવી છે. બોટાદ, દ્વારકા, પોરબંદર, જૂનાગઢ, રાજકોટમાં હળવા વરસાદની આગાહી કરવામાં આવી છે.
