અમદાવાદમાં કાર ધીમે ચલાવવા ટકોર કરતા વિદ્યાર્થીની હત્યા, કારચાલક ફરાર

Ahmedabad: રાજ્યમાં અવારનવાર ચોરી, લૂંટફાટ, છેડતી તેમજ હત્યાની ઘટના સામે આવે છે. ત્યારે આ વચ્ચે હવે અમદાવાદના બોપલમાં વિદ્યાર્થીની હત્યાની ઘટના સામે આવતા ચકચાર મચી જવા પામી છે. બોપલ ફાયર સ્ટેશન નજીક વિદ્યાર્થીની હત્યા કરવામાં આવી છે. આ અંગે બોપલ પોલીસ સ્ટેશનમાં ફરિયાદ નોંધવામાં આવી છે.

મળતી માહિતી અનુસાર અમદાવાદના બોપલ ફાયર સ્ટેશન નજીક વિદ્યાર્થીની હત્યાની ઘટના સામે આવી છે. આ ઘટનામાં મૃતકે વાહન ધીમે ચલાવવા કાર ચાલકને ટકોર કરી હતી. જે બાદ કાર ચાલકે વિદ્યાર્થીની હત્યા કરી હતી. જોકે, હત્યા કરી કાર ચાલક ફરાર થઈ ગયો છે. હાલ આ અંગે બોપલ પોલીસ સ્ટેશનમાં ફરિયાદ નોંધવામાં આવી છે.

આ પણ વાંચો: ગિરનાર લીલી પરીક્રમાનો આજથી પ્રારંભ, એક દિવસ અગાઉ જ ગિરનાર પરીક્રમા માટે ખોલવામાં આવ્યા દરવાજા

નોંધનીય છે કે વિદ્યાર્થી માઇકા કોલેજમાં અભ્યાસ કરતો હતો. જોકે, આ મામલે પોલીસ વધુ તપાસ હાથ ધરી છે અને કાર ચાલકને ઝડપી પાડવા ચક્રો ગતિમાન કર્યા છે.