પાકિસ્તાનને વધુ એક ઝટકો, ભારતે તમામ પ્રકારની પોસ્ટલ અને પાર્સલ સેવાઓ પર પ્રતિબંધ મૂક્યો
India pakistan relations: ભારતે પાકિસ્તાનને મળતી તમામ પ્રકારની પોસ્ટલ અને પાર્સલ સેવાઓ પર પ્રતિબંધ મૂક્યો છે. હવે ટપાલ અને પાર્સલ હવાઈ કે જમીન માર્ગે ન તો મોકલવામાં આવશે કે ન તો પ્રાપ્ત થશે. સૂત્રોએ શનિવારે આ માહિતી આપી હતી. દક્ષિણ કાશ્મીરના પહલગામમાં થયેલા આતંકી હુમલા બાદ ભારત પાકિસ્તાન વિરુદ્ધ એક પછી એક પગલાં લઈ રહ્યું છે.
પોસ્ટ અને પાર્સલ પર પ્રતિબંધ મૂકવાનો નિર્ણય એ જ શ્રેણીનો એક ભાગ છે. આ આતંકવાદી હુમલામાં 26 લોકો, જેમાં મોટાભાગના પ્રવાસીઓ હતા, નિર્દયતાથી માર્યા ગયા હતા. પાકિસ્તાન સ્થિત આતંકવાદી સંગઠન લશ્કર-એ-તૈયબા સાથે જોડાયેલા જૂથ, રેઝિસ્ટન્સ ફ્રન્ટ (TRF) એ આ હુમલાની જવાબદારી સ્વીકારી. ફેબ્રુઆરી 2019માં પુલવામા હુમલા બાદ જમ્મુ-કાશ્મીરમાં આ સૌથી મોટો આતંકવાદી હુમલો હતો. આ હુમલામાં CRPFના 47 જવાનો શહીદ થયા હતા.
