ભારતીય અમ્પાયર નીતિન મેનને ચેમ્પિયન્સ ટ્રોફી માટે પાકિસ્તાન જવાની ના પાડી

Champions Trophy 2025: ચેમ્પિયન્સ ટ્રોફી પહેલા પાકિસ્તાનને વધુ એક મોટો ઝટકો લાગ્યો છે. ભારતીય અમ્પાયર નીતિન મેનને પાકિસ્તાન જવાની ના પાડી દીધી છે. અહેવાલો અનુસાર, ICC પેનલમાં સમાવિષ્ટ આ અમ્પાયર પાકિસ્તાન જઈ રહ્યા નથી. અગાઉ ભારતીય ટીમે પણ પાકિસ્તાન જવાનો ઇનકાર કરી દીધો હતો, હવે ભારતીય અમ્પાયર નીતિન મેનને પણ આ નિર્ણય લઈને PCBને મોટો ઝટકો આપ્યો છે. આ જ કારણ છે કે ચેમ્પિયન્સ ટ્રોફી માટે જાહેર કરાયેલા અમ્પાયરોની યાદીમાં નીતિન મેનનનું નામ નથી.

ચેમ્પિયન્સ ટ્રોફીમાં આ અમ્પાયરો અમ્પાયરિંગ કરશે
કુમાર ધર્મસેના, ક્રિસ ગેફની, માઈકલ ગફ, એડ્રિયન હોલ્ડસ્ટોક, રિચાર્ડ ઇલિંગવર્થ, રિચાર્ડ કેટલબ્રો, એહસાન રઝા, પોલ રાઇફલ, શરાફુદ્દૌલા ઇબ્ને શાહિદ, રોડની ટકર, એલેક્સ વ્હાર્ફ, જોએલ વિલ્સન.

જવાગલ શ્રીનાથ પણ બહાર
મોટા સમાચાર એ છે કે ભૂતપૂર્વ ભારતીય ફાસ્ટ બોલર અને ખૂબ જ અનુભવી ICC મેચ રેફરી જવાગલ શ્રીનાથ પણ ચેમ્પિયન્સ ટ્રોફીમાંથી બહાર થઈ ગયા છે. તેને પણ મેચ રેફરીની પેનલમાં તક મળી નથી. ચેમ્પિયન્સ ટ્રોફી દરમિયાન ડેવિડ બૂન, એન્ડ્રુ પાયક્રોફ્ટ અને રંજન મદુગલે મેચ રેફરી રહેશે.

Indian umpire Nitin Menon has opted out of Champions Trophy duties in Pakistan due to personal reasons: BCCI sources. pic.twitter.com/bURCxYfn3C

— Press Trust of India (@PTI_News) February 5, 2025

નીતિન મેનન અને જવાગલ શ્રીનાથનો અનુભવ
નીતિન મેનન 40 ટેસ્ટ મેચોમાં અમ્પાયરિંગ કરી ચૂક્યા છે, જેમાં તેઓ 30 વખત ફિલ્ડ અમ્પાયર અને 10 વખત ટીવી અમ્પાયર રહ્યા છે. તેમણે 75 ODI મેચોમાં અમ્પાયરિંગ કર્યું છે. જ્યારે T20માં પણ તેમણે 75 મેચોમાં અમ્પાયરિંગ કર્યું છે. તેમણે 13 મહિલા ટી20 આંતરરાષ્ટ્રીય મેચોમાં અમ્પાયરિંગ પણ કર્યું છે. જવાગલ શ્રીનાથની મેચ રેફરી તરીકેની કારકિર્દી લાંબી છે. આ દિગ્ગજ ખેલાડી 79 ટેસ્ટ અને 272 વનડેમાં મેચ રેફરી રહી ચૂક્યા છે. આ ઉપરાંત, તેમણે 136 ટી-20 મેચોમાં પણ આ સિદ્ધિ મેળવી છે. તાજેતરમાં, શ્રીનાથ ત્યારે વિવાદમાં આવ્યા જ્યારે તેમણે ઇંગ્લેન્ડ સામે પુણે T20માં ભારતીય ટીમમાં અવેજી ખેલાડીઓ આપવાના નિર્ણયને મંજૂરી આપી. શિવમ દુબે ઘાયલ થયા પછી શ્રીનાથે હર્ષિત રાણાને રિપ્લેસમેન્ટ ખેલાડી તરીકે રમવાની મંજૂરી આપી જેના કારણે ઘણો વિવાદ થયો.