April 22, 2024

IPL 2024: મેચ પહેલા ડેવિડ વોર્નરે બજરંગબલીની તસવીર શેર કરી

DC vs KKR: દિલ્હી કેપિટલ્સના દિગ્ગજ સલામી બેટ્સમેન ડેવિડ વોર્નર ભારતને ખુબ જ પસંદ કરે છે. વોર્નરે ઘણી વખત ઈન્ટરવ્યૂમાં જણાવ્યું છે કે, તેને ભારતીય ફિલ્મો અને અહીની સંસ્કૃતિ ખુબ જ પસંદ છે. તે ઘણી વખત પોતાના સોશિયલ મીડિયા પ્લેટફોર્મ પર ભારતીય ગીતો અને ફિલ્મો પર રિલ શેર કરતો રહે છે.

મંગળવારે વોર્નરે કોલકાતા નાઈટ રાઈડર્સ વિરૂદ્ધ વિશાખાપટ્ટનમના જાનકારીડો વાઈ એસ રાજશેખર રેડ્ડી એસીએ-વીડીસીએ ક્રિકેટ સ્ટેડિયમમાં રમાનાર મેચ પહેલા ઈન્સ્ટાગ્રામ પર હનુમાનની એક તસવીર શેર કરી છે. જે ખુબ જ વાયરલ થઇ રહી છે.

 

View this post on Instagram

 

A post shared by David Warner (@davidwarner31)

વોર્નરે બજરંગબલીના એક મોટા સ્ટેચ્યૂની તસવીર શેર કરતા લખ્યું,‘આજે શહેરમાં ફરી રહ્યો હતો દરમિયાન’. આ સાથે જ તેણે હેશટૈગમાં જય હનુમાન લખ્યું. વોર્નરની આ પોસ્ટ પર ખુબ જ લાઇક્સ અને કોમેન્ટ આવી રહી છે. અત્યાર સુધીમાં આ પોસ્ટ પર સાત લાખથી વધુ લોકો લાઇક કરી ચુક્યા છે. ત્યાં જ લગભગ 18 હજાર લોકો તેના પર કોમેન્ટ કરી ચુક્યા છે.

આ પણ વાંચો: ચેન્નાઈ સુપર કિંગ્સને મોટો આંચકો, આ દિગ્ગજ ખેલાડીનું કપાઇ શકે છે પત્તું

વોર્નરની આ તસવીર પર એક યૂઝરે લખ્યું,‘હવે તો તેમનું આધારકાર્ડ બની જવું જોઈએ. આ વ્યક્તિને ભારતની નાગરિક્તા આપી દો’. ત્યાં જ એક યૂઝરે તો વોર્નરનનું નામ જ બદલી નાંખ્યું. તેણે લખ્યું,‘પંડિત દ્રવિંદ્ર વોર્નર’. તમને જણાવી દઇએ કે, વોર્નર આઇપીએલ 2024ની સિઝનમાં પણ શાનદાર ફોર્મમાં છે અને દિલ્હી કેપિટલ્સ માટે સતત રન બનાવી રહ્યો છે.