ઇઝરાયેલની વધુ એક ઘાતક એરસ્ટ્રાઈક, લેબનોનમાં હિઝબુલ્લાહના અડ્ડાને નિશાન બનાવ્યું

Israel attack on Lebanon: લેબનોનની રાજધાની બેરૂતના ગીચ વસ્તીવાળા દક્ષિણ ઉપનગરોમાંના એકને શુક્રવારે ઇઝરાયલી હવાઈ હુમલાઓ દ્વારા નિશાન બનાવવામાં આવ્યું હતું, ત્યારબાદ રાજધાનીમાં વિસ્ફોટોના અવાજો સંભળાયા હતા. હિઝબુલ્લાના ટોચના કમાન્ડરના અંતિમ સંસ્કારમાં હજારો લોકો સામેલ થયાના એક કલાક બાદ આ હુમલો થયો હતો. કમાન્ડર એક દિવસ પહેલા માર્યો ગયો હતો. ટાર્ગેટ શું હતું તે તરત જ સ્પષ્ટ થઈ શક્યું ન હતું, પરંતુ વિસ્તારમાંથી ગાઢ કાળો ધુમાડો નીકળતો જણાયો હતો.

The US was reportedly informed of this mass Israeli attack on Beirut in Lebanon shortly beforehand.
Comes just one day after US released $8.7 billion more in aid to Israel & hours after Netanyahu told the UN “Israel seeks peace. Israel yearns for peace.”pic.twitter.com/LW2ST4DixB

— Prem Thakker (@prem_thakker) September 27, 2024

હિઝબુલ્લાહના સેન્ટ્રલ હેડક્વાર્ટર પર હુમલો
ઇઝરાયેલી સૈન્યએ કહ્યું કે તેણે બેરૂતમાં હિઝબુલ્લાહના કેન્દ્રીય મુખ્યાલય પર હુમલો કર્યો હતો. ઇઝરાયેલી સેનાના પ્રવક્તા ડેનિયલ હગારીએ ટેલિવિઝન પર આ જાહેરાત કરી હતી. બેરૂતમાં વિસ્ફોટ પછી, આકાશમાં નારંગી અને કાળા ધુમાડાના વાદળો છવાઇ ગયા હતા. આ હુમલો એવા દિવસે કરવામાં આવ્યો છે જ્યારે ઇઝરાયેલના વડાપ્રધાન બેન્જામિન નેતન્યાહુએ સંયુક્ત રાષ્ટ્રને સંબોધિત કર્યું હતું.

“Moments ago, the Israel Defense Forces carried out a precise strike on the Central Headquarters of the Hezbollah terror organization…taking the necessary action to protect our people so that Israeli families can live in their homes, safely and securely.”

Listen to IDF… pic.twitter.com/I4hbN7KkO8

— Israel Defense Forces (@IDF) September 27, 2024

કેટલા લોકો મૃત્યુ પામ્યા
તમને જણાવી દઈએ કે લેબનોનમાં ઈઝરાયેલ દ્વારા ઝડપી હુમલા કરવામાં આવી રહ્યા છે. આ અઠવાડિયે લેબનોનમાં ઈઝરાયેલના હુમલામાં લગભગ 700 લોકો માર્યા ગયા છે. લેબનોનના સ્વાસ્થ્ય મંત્રાલયે આ માહિતી આપી છે. ઇઝરાયેલે લેબનોન પર હુમલા વધારી દીધા છે અને કહ્યું છે કે તે હિઝબોલ્લાહની સૈન્ય ક્ષમતાઓ અને તેના વરિષ્ઠ કમાન્ડરોને નિશાન બનાવી રહ્યું છે. ઈઝરાયેલના ટોચના અધિકારીઓએ ધમકી આપી છે કે જો હિઝબુલ્લાહનું ગોળીબાર ચાલુ રહેશે તો તે લેબનોનમાં ગાઝા જેવા વિનાશનું પુનરાવર્તન કરશે.