J&Kના Pulwamaમાં અથડામણ, લશ્કર-એ-તૈયબાના બે આતંકીઓ ઠાર
Jammu Kashmir: જમ્મુ-કાશ્મીરમાં આતંકવાદીઓને ખતમ કરવા માટે સુરક્ષા દળો દ્વારા સતત ઓપરેશન ચલાવવામાં આવી રહ્યા છે. આ દરમિયાન પુલવામા એન્કાઉન્ટર શરૂ થઈ ગયું છે. કાશ્મીર ઝોન પોલીસે તેના સત્તાવાર એક્સ એકાઉન્ટ પર આ માહિતી આપી છે. આ દરમિયાન સુરક્ષા દળોએ બે આતંકીઓને ઠાર કર્યા છે. ખાસ વાત એ છે કે માર્યા ગયેલા આતંકીઓમાં લશ્કરનો ટોપ કમાન્ડર પણ સામેલ છે.
મળતી માહિતી મુજબ દક્ષિણ કાશ્મીરના પુલવામા જિલ્લાના નિહામા વિસ્તારમાં ચાલી રહેલા એન્કાઉન્ટરમાં લશ્કર-એ-તૈયબાના ટોચના કમાન્ડર રિયાઝ અહેમદ ડાર અને તેના સહયોગી રઈસ અહેમદ માર્યા ગયા છે. આતંકવાદી રિયાઝ અહેમદ કાકાપોરાનો રહેવાસી હતો. જ્યારે રઈસ અહેમદ લેરવે કાકાપોરાનો રહેવાસી હતો.
આતંકી રિયાઝ ઘણા કેસમાં વોન્ટેડ હતો
કહેવામાં આવી રહ્યું છે કે રિયાઝ અહેમદ ડાર સૌથી જૂના જીવિત આતંકવાદીઓમાંથી એક હતો અને છેલ્લા 8 વર્ષથી સક્રિય હતો. તેણે ઘણી મોટી આતંકી ઘટનાઓને અંજામ આપ્યો છે. આ જ કારણ છે કે લાંબા સમયથી તેની શોધ ચાલી રહી હતી. તે ઘણા કેસમાં વોન્ટેડ હતો. રિયાઝની હત્યાને પોલીસ અને સુરક્ષા દળો માટે મોટી સફળતા માનવામાં આવી રહી છે.
આ પણ વાંચો: તાજ એક્સપ્રેસના 3 ડબ્બામાં આગ લાગતા મચી દોડધામ: Video
આતંકીઓએ સેના પર હુમલો કર્યો
અગાઉ પોલીસ અને સેનાની સંયુક્ત ટીમે નિહામામાં ઘેરાબંધી અને સર્ચ ઓપરેશન હાથ ધર્યું હતું. સર્ચ દરમિયાન છુપાયેલા આતંકવાદીઓ સાથે સંપર્ક સ્થાપિત થયો અને ત્યારબાદ ફાયરિંગ શરૂ થયું. જણાવવામાં આવી રહ્યું છે કે થોડા દિવસો પહેલા સુરક્ષા દળો દ્વારા હાથ ધરવામાં આવેલા સર્ચ ઓપરેશનમાં બે શંકાસ્પદ લોકો મળી આવ્યા હતા. આ દરમિયાન બંને આતંકીઓએ સેના પર હુમલો કર્યો હતો. તે પછી બંને ગાઢ જંગલમાં છુપાઈ ગયા.
આ પછી પોલીસ અને સેનાએ બંને આતંકીઓને પકડવા માટે વિસ્તારને કોર્ડન કરવાનું શરૂ કરી દીધું છે. બંને આતંકીઓ નિહામા વિસ્તારમાં છુપાયા હોવાની માહિતી મળી હતી. જે બાદ પોલીસ અને સેનાએ કાર્યવાહી કરીને બંને આતંકીઓને ઠાર માર્યા હતા.
