મને CM પદ પરથી હટાવીને મારું અપમાન કર્યું, પૂર્વ CM ચંપાઈ સોરેને ખુલ્લેઆમ બળવો કર્યો
![](/wp-content/uploads/2024/02/champai-soren-1600-1.jpg)
Jharkhand Former CM Champai Soren: ભાજપમાં જોડાવાની અટકળો વચ્ચે ચંપાઈ સોરેને ખુલ્લેઆમ બળવો કર્યો છે. તેણે સોશિયલ મીડિયા પ્લેટફોર્મ X પર ખુલ્લો પત્ર લખીને JMM પ્રત્યે પોતાની નારાજગી વ્યક્ત કરી છે. તેણે કહ્યું છે કે આ સમયે તેની પાસે ત્રણ વિકલ્પ છે જેમાંથી તે કોઈપણ વિકલ્પ પસંદ કરી શકે છે. પોતાની પોસ્ટમાં તેણે જેએમએમથી પોતાની નારાજગીનું કારણ આપ્યું છે. તેમણે આરોપ લગાવ્યો હતો કે હેમંત સોરેન જેલમાંથી બહાર આવ્યા પછી સીએમ તરીકેના તેમના કાર્યક્રમો તેમને જાણ કર્યા વિના રદ્દ કરી દેવામાં આવ્યા હતા અને જ્યારે તેમણે આ અંગે પ્રશ્ન કર્યો ત્યારે તેમને કહેવામાં આવ્યું હતું કે 3 જુલાઈએ વિધાનસભ્ય દળની બેઠક બોલાવવામાં આવી હતી અને તે બેઠક સુધી તેઓ હાજર રહેશે. સીએમ તરીકે કોઈ કાર્યક્રમમાં હાજરી આપી શકશે નહીં.
जोहार साथियों,
आज समाचार देखने के बाद, आप सभी के मन में कई सवाल उमड़ रहे होंगे। आखिर ऐसा क्या हुआ, जिसने कोल्हान के एक छोटे से गांव में रहने वाले एक गरीब किसान के बेटे को इस मोड़ पर लाकर खड़ा कर दिया।
अपने सार्वजनिक जीवन की शुरुआत में औद्योगिक घरानों के खिलाफ मजदूरों की आवाज…
— Champai Soren (@ChampaiSoren) August 18, 2024
અપમાનનો કડવો ઘૂંટડો પીધો: ચંપાઇ સોરેન
તેમણે કહ્યું કે, લોકશાહીમાં એક મુખ્યમંત્રીના કાર્યક્રમો અન્ય વ્યક્તિ દ્વારા રદ કરાવવાથી વધુ અપમાનજનક કંઈ હોઈ શકે? અપમાનનો આ કડવો ઘૂંટડો પીધો છતાં મેં કહ્યું કે નિમણૂક પત્રોનું વિતરણ સવારે છે, જ્યારે બપોરે ધારાસભ્ય પક્ષની બેઠક યોજાશે, તેથી ત્યાંથી પસાર થયા પછી હું હાજરી આપીશ. પરંતુ, તેનો સ્પષ્ટ ઇનકાર કરવામાં આવ્યો હતો.
#WATCH | Former Jharkhand CM and JMM leader Champai Soren arrives in Delhi
On rumours of joining the BJP, he says, "I have come here for my personal work. Abhi hum jahan par hain vahi par hain…" pic.twitter.com/oWlKPdRaQY
— ANI (@ANI) August 18, 2024
વિધાયક દળષનો એજન્ડા પણ ન જણાવ્યો’
ચંપાઈ સોરેને કહ્યું કે, મુખ્યમંત્રીને ધારાસભ્ય દળની બેઠક બોલાવવાનો અધિકાર છે, પરંતુ મને બેઠકનો એજન્ડા પણ જણાવવામાં આવ્યો ન હતો. બેઠક દરમિયાન મને રાજીનામું આપવાનું કહેવામાં આવ્યું. મને નવાઈ લાગી, પણ મને સત્તા તરફ આકર્ષણ ન હતું, તેથી મેં તરત જ રાજીનામું આપી દીધું, પણ મારા આત્મસન્માનને ઠેસ પહોંચવાથી હું દિલગીર થઈ ગયો.
તે માત્ર ખુરશીની જ ચિંતા કરે છે – ચંપાઈ સોરેન
હેમંત સોરેન પર નિશાન સાધતા પૂર્વ મુખ્યમંત્રીએ વધુમાં લખ્યું કે, છેલ્લા ત્રણ દિવસના અપમાનજનક વર્તનને કારણે હું મારા આંસુ પર કાબૂ રાખવાનો પ્રયાસ કરી રહ્યો હતો, પરંતુ તેમને માત્ર ખુરશીની ચિંતા હતી. મને એવું લાગ્યું કે જે પક્ષ માટે આપણે આખું જીવન સમર્પિત કર્યું છે તેમાં મારું કોઈ અસ્તિત્વ નથી, કોઈ અસ્તિત્વ નથી. આટલા અપમાન અને તિરસ્કાર પછી, મને વૈકલ્પિક માર્ગ શોધવાની ફરજ પડી.
તેમણે કહ્યું, ભારે હૈયે મેં વિધાનસભા પક્ષની એ જ બેઠકમાં કહ્યું હતું કે – “આજથી મારા જીવનનો એક નવો અધ્યાય શરૂ થવા જઈ રહ્યો છે.” મારી પાસે આમાં ત્રણ વિકલ્પો હતા. પહેલું, રાજકારણમાંથી નિવૃત્ત થવું, બીજું, આપણું પોતાનું સંગઠન ઊભું કરવું અને ત્રીજું, જો આપણને આ માર્ગ પર કોઈ સાથી મળે તો તેની સાથે આગળની યાત્રા કરવી જોઈએ. તે દિવસથી લઈને આજ સુધી અને આગામી ઝારખંડ વિધાનસભાની ચૂંટણી સુધી આ પ્રવાસમાં મારા માટે તમામ વિકલ્પો ખુલ્લા છે.