જો બાઈડન નહીં લડે અમેરિકી રાષ્ટ્રપતિની ચૂંટણી, નામ પરત ખેંચ્યું
![](https://newscapita7e21f6b31c.blob.core.windows.net/blobnewscapita7e21f6b31c/2024/05/Joe-biden.jpg)
US Presidential Election: યુએસ પ્રમુખ જો બાઈડને રવિવારે એક મોટી જાહેરાત કરતા કહ્યું કે તેઓ 2024 માં યુએસ રાષ્ટ્રપતિની ચૂંટણીમાંથી પોતાનું નામ પાછું ખેંચી રહ્યા છે. આ સાથે તેણે એ પણ સ્પષ્ટ કર્યું કે તે હવે અમેરિકી રાષ્ટ્રપતિની ચૂંટણીમાં દાવેદાર નથી. બાઈડન પછી કમલા હેરિસ આગામી દાવેદાર હશે. બાઈડનનો આ નિર્ણય એવા સમયે આવ્યો છે જ્યારે તેમના સાથી ડેમોક્રેટ તેમના પર સતત દબાણ બનાવી રહ્યા હતા અને કહી રહ્યા હતા કે તેઓ ડોનાલ્ડ ટ્રમ્પ સામે નબળા ઉમેદવાર સાબિત થઈ રહ્યા છે.
પ્રમુખપદની ચૂંટણીમાંથી પોતાનું નામ પાછું ખેંચવાની જાહેરાત કરતાં બાઈડને કહ્યું કે અમેરિકાના રાષ્ટ્રપતિ તરીકે સેવા આપવી તે તેમના માટે ખૂબ જ ગૌરવની વાત છે. આ સાથે તેમણે કહ્યું કે જ્યાં સુધી ફરી એકવાર ચૂંટણી લડવાની વાત છે તો પાર્ટી અને દેશના હિતને ધ્યાનમાં રાખીને તેઓ રાષ્ટ્રપતિ પદ માટે ચૂંટણી નહીં લડવાનો નિર્ણય લઈ રહ્યા છે.
US President Joe Biden drops out from the Presidential race for re-election. pic.twitter.com/A4YOEG6xh3
— ANI (@ANI) July 21, 2024
બાઈડને કહ્યું કે તેઓ આગામી દિવસોમાં તેમના નિર્ણય વિશે દેશને વિગતવાર જાણ કરશે. જો બાઈડને પોતે પણ ટ્વીટ કરીને પોતાના નિર્ણયનો ખુલાસો કર્યો છે. તેમણે આ ટ્વિટમાં કહ્યું, ‘મારા સાથી ડેમોક્રેટ્સ, મેં નામાંકન ન સ્વીકારવાનો નિર્ણય કર્યો છે અને હવે રાષ્ટ્રપતિ તરીકેના મારા બાકીના કાર્યકાળ દરમિયાન મારી ફરજો પૂરી કરવા માટે મારી સંપૂર્ણ શક્તિનો ઉપયોગ કરીશ.’
My fellow Democrats, I have decided not to accept the nomination and to focus all my energies on my duties as President for the remainder of my term. My very first decision as the party nominee in 2020 was to pick Kamala Harris as my Vice President. And it’s been the best… pic.twitter.com/x8DnvuImJV
— Joe Biden (@JoeBiden) July 21, 2024
કમલા હેરિસ આગામી દાવેદાર હશે!
બાઈડને વધુમાં કહ્યું કે 2020ની ચૂંટણીમાં રાષ્ટ્રપતિ પદના દાવેદાર બન્યા બાદ તેમનો પહેલો નિર્ણય કમલા હેરિસને ઉપરાષ્ટ્રપતિ તરીકે પસંદ કરવાનો હતો. તેમણે આ નિર્ણયને શ્રેષ્ઠ નિર્ણય ગણાવ્યો હતો. આ સાથે બાઈડને આગળ કહ્યું કે, ‘આજે હું કમલા હેરિસને આ વર્ષે પાર્ટીની દાવેદાર બનાવવા માટે મારું સંપૂર્ણ સમર્થન આપવા માંગુ છું.’ બાઈડને અહીં સ્પષ્ટ કર્યું કે હવે કમલા હેરિસ ડેમોક્રેટ્સ તરફથી રાષ્ટ્રપતિ પદના દાવેદાર હશે.
ટ્રમ્પ – બાઈડનને હરાવવાનો સમય આવી ગયો છે
અહીં બાઈડને ડોનાલ્ડ ટ્રમ્પ પર પણ નિશાન સાધ્યું. રિપબ્લિકન રાષ્ટ્રપતિ પદના ઉમેદવાર ટ્રમ્પ પર પ્રહાર કરતા તેમણે કહ્યું કે, કમ ઓન ડેમોક્રેટ્સ, હવે સમય આવી ગયો છે કે સાથે મળીને ટ્રમ્પને હરાવીએ.