શિવકુમારે PM મોદીની છબી ખરાબ કરવા માટે 100 કરોડની ઓફર કરી, ભાજપના નેતાનો દાવો
Lok Sabha Election 2024: કર્ણાટક બીજેપી નેતા જી દેવરાજે ગૌડાએ રાજ્યના ડેપ્યુટી સીએમ અને કોંગ્રેસના વરિષ્ઠ નેતા ડીકે શિવકુમાર પર મોટો આરોપ લગાવ્યો છે. ભાજપના નેતાએ દાવો કર્યો હતો કે ડીકે શિવકુમારે પૂર્વ સીએમ અને જેડીએસના પ્રદેશ અધ્યક્ષ એચડી કુમારસ્વામી અને વડાપ્રધાન નરેન્દ્ર મોદીની છબી ખરાબ કરવા માટે 100 કરોડ રૂપિયાની ઓફર કરી હતી. દેવરાજે ગૌડાની તાજેતરમાં યૌન શોષણના કેસમાં ધરપકડ કરવામાં આવી હતી. શનિવારે દેવેગૌડાને ન્યાયિક કસ્ટડીમાં મોકલવામાં આવ્યા હતા, આ દરમિયાન મીડિયા સાથે વાત કરતા દેવેગૌડાએ મોટો દાવો કર્યો હતો.
CDShivakumar pen drive gang!!
To bring a bad name to Hon'ble Shri @narendramodi Prime Minister and former Chief Minister Shri @hd_kumaraswamy. To realize this conspiracy, CD Shivakumar Saheb offered rs 100 crore to advocate Sri Devaraje Gowda. pic.twitter.com/mbUiDVxtCD— I'm Harsh Naik 🇮🇳🇮🇱🇷🇺 🚩🚩 (@Harsh_N01112) May 17, 2024
બીજેપી નેતાનો દાવો, PM મોદીની ઈમેજ ખરાબ કરવાનો પ્રયાસ
દેવરાજે ગૌડાએ દાવો કર્યો હતો કે ‘તેમણે પોર્નોગ્રાફિક વીડિયોના મામલામાં એક મોટી યોજના બનાવી હતી, આ અંતર્ગત તે પીએમ મોદી, એચડી કુમારસ્વામી અને બીજેપીની છબીને બગાડવાનું ષડયંત્ર પણ કરી રહ્યો હતો. આ માટે મને 100 કરોડ રૂપિયાની ઓફર કરવામાં આવી હતી અને 5 કરોડ રૂપિયા એડવાન્સ તરીકે પણ મોકલવામાં આવ્યા હતા. સોદામાં મધ્યસ્થી કરવા માટે સ્થાનિક નેતાની પસંદગી કરવામાં આવી હતી. ડીકે શિવકુમાર અશ્લીલ વીડિયો કેસ સાથે તેમનું નામ જોડીને પીએમ મોદીની છબી ખરાબ કરવા માંગતા હતા. શિવકુમાર એચડી કુમારસ્વામીના રાજકારણને ખતમ કરવા માંગતા હતા. ભાજપના નેતાએ દાવો કર્યો હતો કે જ્યારે તેણે આ ષડયંત્રમાં સામેલ થવાનો ઇનકાર કર્યો ત્યારે તેને અત્યાચારના કેસમાં ફસાવવાનો પ્રયાસ કરવામાં આવ્યો હતો અને બાદમાં મારી સામે કેસ નોંધવામાં આવ્યો હતો.
આ પણ વાંચો: મુસ્લિમો માટે અનામત જોઈતી હોય તો પાકિસ્તાન જાવ: CM હિમંતા બિસ્વા સરમા
ભાજપના નેતાએ શિવકુમાર પર ગંભીર આરોપ લગાવ્યા હતા
બીજેપી નેતાએ કહ્યું, ‘મને એવું નિવેદન આપવા માટે કહેવામાં આવ્યું હતું કે પ્રજ્જવલ રેવન્ના કેસમાં અશ્લીલ વીડિયોની પેન ડ્રાઇવ્સ સર્ક્યુલેટ કરવામાં આવી હતી, તે એચડી કુમારસ્વામીએ કરી હતી, પરંતુ વાસ્તવમાં ડીકે શિવકુમારને આ પેનડ્રાઈવ પ્રજ્જવલ રેવન્નાના ભૂતપૂર્વ ડ્રાઈવર કાર્તિક ગૌડા પાસેથી મળી હતી અને તેણે જ આ સમગ્ર કાવતરું ઘડ્યું હતું. દેવેગૌડાએ કહ્યું, ‘જ્યારે મેં શિવકુમારની ઓફર ફગાવી દીધી, ત્યારે મારી વિરુદ્ધ કેસ નોંધવામાં આવ્યો અને મારી ધરપકડ કરવામાં આવી. જ્યારે હું મુક્ત થઈશ ત્યારે હું તેને (શિવકુમાર) ખુલ્લા પાડીશ. કર્ણાટકમાં કોંગ્રેસની સરકાર પડવાની છે.
ભાજપના નેતા દેવરાજે ગૌડાએ દાવો કર્યો હતો કે ‘તેમની પાસે ડીકે શિવકુમાર સાથેની વાતચીતનું રેકોર્ડિંગ છે, જેને તેઓ જેલમાંથી બહાર આવ્યા બાદ રિલીઝ કરશે અને ત્યાર બાદ કોંગ્રેસની સરકાર પડી જશે.’ ગૌડાએ એમ પણ કહ્યું કે મને અશ્લીલ વીડિયો કેસમાં SITની તપાસ પર વિશ્વાસ નથી. હું કેસ સાથે જોડાયેલા તમામ પુરાવા સીબીઆઈને આપીશ. મારી પાસે જે વિડીયો છે તે અત્યાર સુધી રીલીઝ થયેલ અન્ય વિડીયો કરતા અલગ છે.
