VIDEO: કુપવાડામાં લશ્કર-એ-તૈયબાના કમાન્ડર ફારૂક તિડવાનું ઘર તોડી પાડ્યું
Pahalgam terror attack: પહલગામમાં થયેલા આતંકવાદી હુમલા બાદ કુપવાડામાં લશ્કર-એ-તૈયબાના કમાન્ડર વિરુદ્ધ મોટી કાર્યવાહી કરવામાં આવી છે. કુપવાડા જિલ્લાના નારીકુટ કાલારુસ સરહદી વિસ્તારમાં લશ્કર-એ-તૈયબાના કમાન્ડર ફારૂક તિડવાનું ઘર તોડી પાડવામાં આવ્યું છે. સેના દ્વારા આને એક મોટી કાર્યવાહી માનવામાં આવી રહી છે.
#BREAKING: India has just blasted the house of Lashkar e Tayyiba terrorist Farooq Ahmed Teedwa r/o Narikoot Kalaroos, Kupwara of North Kashmir. Farooq is currently in Pakistan and involved in working with Pakistan Army to kill innocent civilians in Kashmir. pic.twitter.com/pAgpSYC1l0
— Aditya Raj Kaul (@AdityaRajKaul) April 26, 2025
24 કલાકમાં 7 આતંકવાદીઓના ઘર જમીનદોસ્ત થયા
પહેલગામ આતંકવાદી હુમલા બાદ સેના એક્શન મોડમાં જોવા મળી રહી છે. સેનાએ અત્યાર સુધીમાં 24 કલાકમાં 7 આતંકવાદીઓના ઘર તોડી પાડ્યા છે.
આ પહેલા પુલવામામાં આતંકવાદી એહસાન અહેમદ શેખનું બે માળનું ઘર તોડી પાડવામાં આવ્યું હતું. તે લશ્કર સાથે પણ સંકળાયેલો હતો અને જૂન 2023 થી સક્રિય હતો. આ ઉપરાંત, પુલવામાના કાંચીપોરામાં સ્થિત લશ્કર-એ-તૈયબાના આતંકવાદી હરિસ અહેમદનું ઘર પણ વિસ્ફોટમાં ઉડાવી દેવામાં આવ્યું હતું. તે પણ 2023 થી સક્રિય હતો.
આ ઉપરાંત, શુક્રવારે પહેલગામ આતંકવાદી હુમલામાં સામેલ આતંકવાદી આસિફ શેખ આદિલનું ઘર પણ વિસ્ફોટમાં ઉડાવી દેવામાં આવ્યું હતું. પહલગામ આતંકવાદી હુમલામાં આશિક શેખનું નામ સામે આવ્યું હતું. આ ઉપરાંત શુક્રવારે સવારે થયેલા બીજા વિસ્ફોટમાં લશ્કર-એ-તૈયબાના આતંકવાદી આદિલ ગુરીનું ઘર પણ ધ્વસ્ત થઈ ગયું.
