મૌની અમાસે 8થી 10 કરોડ ભક્તો સ્નાન કરે તેવી શક્યતા, CM યોગીએ કમાન સંભાળી
પ્રયાગરાજઃ મહા કુંભ મેળાના મુખ્ય સ્નાન ઉત્સવ મૌની અમાસના અવસરે લગભગ 10 કરોડ ભક્તો સંગમમાં સ્નાન કરે તેવી શક્યતા છે. જેને જોતા મોટા પાયે તૈયારીઓ શરૂ કરી દેવામાં આવી છે. સીએમ યોગી આદિત્યનાથે ખુદ તેની જવાબદારી લીધી છે. મુખ્યમંત્રીએ અધિકારીઓને વધુ સારી વ્યવસ્થા કરવા સૂચના આપી છે.
મૌની અમાસનો તહેવાર 29 જાન્યુઆરીએ છે. આ દિવસે અમૃત સ્નાન પણ થાય છે. લગભગ 10 કરોડ ભક્તો સંગમ સ્નાન કરે તેવી શક્યતાને ધ્યાનમાં રાખીને વ્યવસ્થામાં વધુ સુધારો કરવા માટે મોટાપાયે તૈયારીઓ કરવામાં આવશે. બુધવારે અધિકારીઓ સાથે છેલ્લા ત્રણ દિવસની સ્થિતિની સમીક્ષા કરતા મુખ્યમંત્રીએ કહ્યું કે, પોષ પૂર્ણિમા અને મકરસંક્રાંતિના બે મુખ્ય સ્નાન તહેવારો પર છ કરોડથી વધુ લોકોએ ત્રિવેણીમાં ડૂબકી લગાવી હતી.
29મી જાન્યુઆરીએ મૌની અમાસ નિમિત્તે 8થી 10 કરોડ લોકો સંગમ પહોંચે તેવી શક્યતા છે. આવી સ્થિતિમાં વ્યવસ્થામાં વધુ સુધારો કરવાની જરૂર છે. તેમણે નિર્દેશ આપ્યો કે, રેલવે સાથે સંચાર જાળવીને મહાકુંભ વિશેષ ટ્રેનોની સમયસર અવરજવર સુનિશ્ચિત કરવી જોઈએ. નિયમિત અને વિશેષ ટ્રેનો સતત ચલાવવામાં આવે. ભક્તોની સંખ્યાને ધ્યાનમાં લઈને તેમની સંખ્યા વધારવી જોઈએ.
મુખ્યમંત્રીને મેળા વિસ્તારમાં મોબાઈલ નેટવર્કને વધુ સુધારવાની જરૂરિયાત પણ વ્યક્ત કરી હતી. તેમજ બસો, શટલ બસો અને ઈલેક્ટ્રીક બસોના સતત સંચાલન પર ભાર મૂકવામાં આવ્યો હતો. શૌચાલયની નિયમિત સફાઈ થવી જોઈએ, ઘાટો પર બેરિકેડેડ હોવા જોઈએ અને તમામ ક્ષેત્રોમાં પાયાની સુવિધાઓ પૂરી પાડવી જોઈએ.
