CCTV દ્વારા મહિલાઓને કપડાં બદલતા જોતો હતો લંપટ મહંત, 5 દિવસમાં 200 વીડિયો બનાવ્યા
Women Changing Room CCTV Case: મુરાદનગરમાં શનિ મંદિર ઘાટ ખાતે મહિલાઓના ચેન્જિંગ રૂમમાં સીસીટીવી લગાવવાની ઘટના પ્રકાશમાં આવી છે. આરોપ છે કે આ સીસીટીવી મંદિરના મહંત મુકેશ દ્વારા લગાવવામાં આવ્યા હતા અને તેનું લાઈવ ફીડ સીધું મહંત મુકેશના ફોન સાથે જોડાયેલું હતું. આ કેસમાં એફઆઈઆર નોંધાયા બાદ જ મુકેશ ફરાર હોવાનું કહેવાય છે અને પોલીસ તેને શોધવામાં વ્યસ્ત છે. ન્યૂઝ અહેવાલ અનુસાર, પોલીસે કહ્યું છે કે સીસીટીવી રેકોર્ડિંગ ડિવાઇઝમાં 5 દિવસની ફીડ મળી આવી છે, જેમાં લગભગ 200 મહિલાઓના કપડાં બદલતા રેકોર્ડ કરવામાં આવ્યા છે. આ ઘટના ગુરુવારે મોડી રાત્રે પ્રકાશમાં આવી જ્યારે 45 વર્ષીય મહિલાએ મુરાદનગર પોલીસ સ્ટેશનમાં શંકાસ્પદ મુકેશ ગિરી વિરુદ્ધ પોલીસ ફરિયાદ નોંધાવી.
આ પણ વાંચો: Maninagarમાં આવેલી નેલ્સન સ્કૂલની તપાસ હવે R&B ડિપાર્ટમેન્ટ કરશે
મળતી માહિતી મુજબ, મુકેશ વિરુદ્ધ પહેલાથી જ ઘણા કેસ નોંધાયેલા છે. આ તાજેતરનો કેસ નોંધાયા બાદ હવે તે ફરાર છે. આ કેસથી વાકેફ અધિકારીઓએ જણાવ્યું કે પોલીસે તેને પકડવા માટે ટીમો બનાવી છે. FIRમાં મહિલાએ આરોપ લગાવ્યો છે કે તે 21 મેના રોજ બપોરે 3.30 વાગ્યે તેની 14 વર્ષની પુત્રી સાથે છોટા હરિદ્વાર ફરવા આવી હતી. તે સ્નાન કરીને ચેન્જિંગ રૂમમાં ગઇ હતી. તેણીનો આરોપ છે કે જ્યારે તે તેના કપડાં બદલી રહી હતી ત્યારે તેની નજર સીસીટીવી કેમેરા પર પડી હતી. કેમેરાનું ફોકસ ચેન્જિંગ રૂમ તરફ હતું. જેના કારણે ચેન્જીંગ રૂમની દરેક ગતિવિધિઓ રેકોર્ડ કરવામાં આવી રહી હતી. ત્યારે તેમને ખબર પડી કે મહંત મુકેશ ગિરીએ ચેન્જિંગ રૂમ તરફ સીસીટીવી કેમેરા લગાવ્યો છે અને તેઓ ત્યાં કપડાં બદલતી મહિલાઓનું લાઈવ ફીડ જુએ છે. તેણે કહ્યું, જ્યારે મેં શંકાસ્પદની પૂછપરછ કરી તો તેણે ખરાબ વર્તન કરવાનું શરૂ કર્યું અને મને ધમકી પણ આપી.
આ પણ વાંચો: ‘5 તબક્કામાં 300નો આંકડો પાર કર્યો’, Unaમાં Amit Shahનો મોટો દાવો
નોંધનીય છે કે, મુરાદનગર છોટા હરિદ્વાર તરીકે પ્રખ્યાત છે અને અહીં એક મંદિર પણ છે. હરિદ્વાર અને આગળ ઉત્તરાખંડ તરફ જતા પ્રવાસીઓ માટે તે એક લોકપ્રિય ધાર્મિક સ્થળ છે. આ એક હોટસ્પોટ પણ છે જ્યાં લોકો મંદિરમાં દર્શન કરવા અને સ્નાન કરવા પણ આવે છે. પોલીસના જણાવ્યા અનુસાર, ચેન્જિંગ રૂમમાં છત નથી અને તે ચારે બાજુથી ઢંકાયેલો છે. પ્રારંભિક તપાસ દરમિયાન, પોલીસને જાણવા મળ્યું કે ચેન્જિંગ રૂમની ઉપર સીસીટીવી કેમેરા લગાવવામાં આવ્યો હતો અને તે નીચે તરફ હતો.
આ પણ વાંચો: Patanjali Ads Case: બાબા રામદેવ અને બાલકૃષ્ણ પર હવે ક્રિમિનલ કેસ ચાલશે
ડીસીપી (ગ્રામીણ) વિવેક ચંદ્ર યાદવે કહ્યું, ‘અમને છેલ્લા પાંચ દિવસ (રવિવારથી ગુરુવાર) માટે સીસીટીવીનું લાઈવ ફીડ મળ્યું છે. અમે મહંતનો મોબાઈલ ફોન પણ તપાસ્યો અને જાણવા મળ્યું કે તે લાઈવ ફીડ કેપ્ચર કરી રહ્યો છે. વધુમાં જાણવા મળ્યું કે, માત્ર શંકાસ્પદ વ્યક્તિ પાસે સીસીટીવીના લાઇવ ફીડની ઍક્સેસ હતી. પોલીસે જણાવ્યું કે પ્રારંભિક તપાસ દરમિયાન મહિલાએ કોઈ લેખિત ફરિયાદ આપી ન હતી. બીજી બાજુ માહિતી મળી કે, મુકેશના નામે ઘણા વધુ કેસ પણ નોંધાયેલા છે. અમે તેને વહેલી તકે પકડવા માટે ટીમો બનાવી છે. મહિલાની ફરિયાદના આધારે પોલીસે ગુરુવારે રાત્રે ભારતીય દંડ સંહિતાની કલમ 354, 354C, 504 અને 506 હેઠળ એફઆઈઆર નોંધી અને હવે તેની શોધ કરી રહી છે.
