મહારાષ્ટ્ર સરકાર ‘લવ જેહાદ અને બળજબરીથી ધર્માંતરણ’ સામે કડક કાયદો લાવશે

Law Against Love Jihad: મહારાષ્ટ્રની દેવેન્દ્ર ફડણવીસ સરકારે લવ જેહાદ અને બળજબરીથી ધર્માંતરણ સામે કડક કાયદો બનાવવાની તૈયારી કરી છે. ફડણવીસ સરકારે મહારાષ્ટ્ર રાજ્ય પોલીસ મહાનિર્દેશક (DGP)ના નેતૃત્વ હેઠળ 7 સભ્યોની સમિતિની રચના કરી છે. આ કમિટી લવ જેહાદ અને બળજબરીથી ધર્માંતરણ અંગેના તમામ કાયદાકીય અને ટેકનિકલ પાસાઓ પર ચર્ચા કર્યા બાદ એક રિપોર્ટ તૈયાર કરશે અને આ રિપોર્ટ સરકારને સોંપશે.

📌 *BREAKING NEWS- Maharashtra BJP Govt will introduce law against Love Jihad.

▪️A Committee has been formed to discuss legal aspects and a powerful law will be enforced soon to protect Hindu girls.#BJP#NDA pic.twitter.com/YMMbCmVpiz

— भाजपा विरार शहर पश्चिम मंडळ (@Bjp4Virar) February 14, 2025

કમિટી શું કરશે?
મહારાષ્ટ્ર સરકારે લવ જેહાદ અને બળજબરીથી ધર્માંતરણના મુદ્દા પર એક સમિતિની રચના કરી છે. રાજ્યના ડીજી આ સમિતિના વડા રહેશે. સમિતિમાં ગૃહ, કાયદો અને ન્યાયતંત્ર, સામાજિક ન્યાય અને મહિલા અને બાળ વિકાસ મંત્રાલયના સચિવોનો પણ સમાવેશ થશે. આ સમિતિ લવ જેહાદ, છેતરપિંડી, બળજબરીથી ધર્મ પરિવર્તનના કેસોમાં કામ કરશે અને માહિતી અને તથ્યો એકત્રિત કરશે. આ સાથે સમિતિ કાયદાનો અભ્યાસ કરશે અને તે અન્ય રાજ્યોમાં હાલના કાયદાઓનો પણ અભ્યાસ કરશે, જેથી કડક કાયદા બનાવી શકાય.

આ પણ વાંચો: ‘કોઈ ત્રીજા પક્ષને નુકસાન ન થવું જોઈએ’, PM મોદી અને ટ્રમ્પની મુલાકાત પર ચીનનું નિવેદન

નોટિસ જારી
સરકારનું આ પગલું લવ જેહાદ અને ધર્માંતરણ વિરુદ્ધ કાયદા તરફ એક મહત્વપૂર્ણ પગલું હશે. આ અંગે જારી કરાયેલી નોટિસમાં જણાવવામાં આવ્યું છે કે- “લોકોના પ્રતિનિધિઓ, રાજ્યના વિવિધ સંગઠનો અને કેટલાક નાગરિકોએ લવ જેહાદ અને છેતરપિંડી અથવા બળજબરીથી ધર્મ પરિવર્તનને રોકવા માટેના કાયદા અંગે નિવેદન રજૂ કર્યું હતું. લવ જેહાદ અને છેતરપિંડી અથવા બળજબરીથી થતા ધર્માંતરણને રોકવા માટે ભારતના કેટલાક રાજ્યો દ્વારા કાયદાઓ પણ તૈયાર કરવામાં આવ્યા છે. તેથી, સરકાર માટે મહારાષ્ટ્રની પ્રવર્તમાન પરિસ્થિતિનો અભ્યાસ કરવો અને લવ જેહાદ અને છેતરપિંડી અથવા ધર્મ પરિવર્તન અંગે મળેલી ફરિયાદોના ઉકેલો સૂચવવા એ વિચારણાનો વિષય હતો. અન્ય રાજ્યોમાં કાયદાનો અભ્યાસ કરવા અને કાયદાનો મુસદ્દો તૈયાર કરવા અને અભ્યાસ કરવા માટે મહારાષ્ટ્ર રાજ્ય, મુંબઈના પોલીસ મહાનિર્દેશકની અધ્યક્ષતામાં એક ખાસ સમિતિની રચના કરવામાં આવે છે.