Maharashtraમાં ફરી ઉથલપાથલ?, NCPના 5 MLA Ajit Pawarની બેઠકમાં ગેરહાજર
Maharashtra NCP Politics: મહારાષ્ટ્રમાં ફરી એકવાર રાજકીય ઉથલપાથલની સંભાવના જોવા મળી રહી છે. માહિતી અનુસાર, નાયબ મુખ્યમંત્રી અને એનસીપી નેતા અજિત પવારની બેઠકમાં તેમની પાર્ટીના પાંચ ધારાસભ્યો હાજર રહ્યા ન હતા.લોકસભા ચૂંટણીના પરિણામો બાદ અજિત પવારે ગુરુવારે મુંબઈની ટ્રાઈડેન્ટ હોટેલમાં બેઠક બોલાવી હતી, પરંતુ પાંચ ધારાસભ્યો તેમાં ગેરહાજર રહ્યા હતા. અગાઉ એવી ચર્ચા હતી કે જુનિયર પવાર જૂથના લગભગ 15 ધારાસભ્યો વરિષ્ઠ પવાર એટલે કે શરદ પવારના સંપર્કમાં છે. લોકસભાની ચૂંટણીમાં અજિત પવારના જૂથને જનતાએ નકારી કાઢ્યા બાદ આવો નાટકીય વળાંક આવ્યો છે.
Ajit Pawar NCP , MLA’s not happy with NDA .
Wants to go back .
This is good for BJP.
Ajit Pawar is Liability. Leave him BJP.
You will only gain . 🙏🏽🙏🏽— Vikram Pratap Singh (@VIKRAMPRATAPSIN) June 6, 2024
આવી સ્થિતિમાં, એવું માનવામાં આવે છે કે ટૂંક સમયમાં ફરી એકવાર કાકા-ભત્રીજા વચ્ચે રાજકીય ખેંચતાણ અને યુદ્ધ વધુ ઊંડું થઈ શકે છે અને અજિત પવાર જૂથમાંથી શરદ પવાર જૂથમાં ધારાસભ્યો જવાની પ્રક્રિયા શરૂ થઈ શકે છે. જો કે આ રાજકીય હલચલમાં રાજ્યની એકનાથ શિંદે સરકાર પર કોઈ અસર થવાની નથી. દરમિયાન, નાયબ મુખ્ય પ્રધાન અજિત પવારે લોકસભા ચૂંટણીમાં તેમની પાર્ટી એનસીપીના ખરાબ પ્રદર્શન પછી તેમના ધારાસભ્યોની બેઠક યોજી હતી. NCP માત્ર એક સીટ (રાયગઢ) જીતી શકી છે, જ્યારે તે બારામતીમાં પ્રતિષ્ઠાની લડાઇ હારી ગઈ છે.
એનસીપીના રાષ્ટ્રીય અધ્યક્ષ અજિત પવાર, પાર્ટીના કાર્યકારી અધ્યક્ષ પ્રફુલ પટેલ અને રાયગઢ બેઠક પરથી ચૂંટણી જીતેલા રાજ્ય એકમના વડા સુનિલ તટકરે બેઠકમાં હાજર હતા. સૂત્રોએ જણાવ્યું હતું કે પાર્ટીના 41માંથી પાંચ ધારાસભ્યો ગેરહાજર હતા. એક નેતાએ કહ્યું કે વિધાનસભાના ઉપાધ્યક્ષ નરહરિ જીરવાલ વિદેશમાં છે, જ્યારે અન્યની તબિયત ખરાબ છે. સૂત્રોએ જણાવ્યું હતું કે નેતાઓ અને ધારાસભ્યોએ વર્તમાન રાજકીય પરિસ્થિતિ તેમજ રાજ્યની ચાર લોકસભા બેઠકો પરના પ્રદર્શન અંગે ચર્ચા કરી હતી જેના પર પાર્ટીએ ચૂંટણી લડી હતી.
🛑 NCP leaders' meeting underway at Maharashtra DCM Ajit Pawar's residence in Mumbai
pic.twitter.com/ViENYbekOj— Data Statistica (@Data_Statistica) June 6, 2024
નોંધનીય છે કે, લોકસભા ચૂંટણીમાં વિપક્ષ મહાવિકાસ અઘાડીએ મહારાષ્ટ્રમાં 48માંથી 30 સીટો જીતી છે, જ્યારે એનડીએને માત્ર 17 સીટો મળી છે. એક બેઠક પર અપક્ષનો વિજય થયો છે. ઇન્ડી એલાયન્સના સહયોગી પક્ષોમાં કોંગ્રેસે 13 બેઠકો જીતી છે, ઉદ્ધવ ઠાકરેની શિવસેનાએ 9 અને શરદ પવારની એનસીપીએ 8 બેઠકો જીતી છે, જ્યારે એનડીએમાં ભાજપે 9, સીએમ એકનાથ શિંદેની શિવસેનાએ 7 અને અજિત પવારની એનસીપીને 7 બેઠકો મળી છે.
ઉલ્લેખનીય છે કે, મહારાષ્ટ્રમાં આ વર્ષે વિધાનસભાની ચૂંટણી યોજાવાની છે. તેથી, લોકસભાની ચૂંટણીમાં અજિત પવારના જૂથનું નબળું પ્રદર્શન માત્ર અજિત પવાર માટે જ નહીં, પરંતુ અજિત જૂથ હેઠળ વિધાનસભાની ચૂંટણી લડવા માંગતા ધારાસભ્યો માટે પણ ચિંતાનું કારણ બની ગયું છે. આવી સ્થિતિમાં શરદ પવારની છાવણીમાં પાછા ફરવું કોઈ મોટી વાત નહીં હોય કારણ કે શરદ પવાર જૂથની સફળતા એવી માનવામાં આવે છે કે મહારાષ્ટ્રના લોકો શરદ પવાર જૂથને જ અસલી NCP માની રહ્યા છે.
