જમ્મુ કાશ્મીરના કુલગામમાં સુરક્ષાદળોનું મોટું ઓપરેશન, 5 આતંકવાદીઓને ઠાર માર્યા

Jammu Kashmir: જમ્મુ-કાશ્મીરના કુલગામમાં આતંકવાદીઓ અને સુરક્ષાદળો વચ્ચે અથડામણ થઈ હતી. જેમાં 5 આતંકવાદીઓને ઠાર મારવામાં આવ્યા છે. આ પહેલા સુરક્ષાદળો અને આતંકીઓ વચ્ચે ગોળીબાર થયો હતો. મળતી માહિતી મુજબ, આ એન્કાઉન્ટર કુલગામના બેહીબાગ વિસ્તારમાં થયું હતું. હાલમાં સેના સર્ચ ઓપરેશન ચલાવી રહી છે.

વહેલી સવારે સુરક્ષા દળો અને આતંકવાદીઓ વચ્ચે ગોળીબાર
વહેલી સવારે સેના અને જમ્મુ-કાશ્મીર પોલીસને માહિતી મળી હતી કે અહીં એકથી બે આતંકવાદીઓ છુપાયેલા હોઈ શકે છે અને સર્ચ ઓપરેશન દરમિયાન તેમનો સંપર્ક કરવામાં આવ્યો હતો. ત્યારથી બંને તરફથી ગોળીબાર ચાલુ હતો. આ સમય દરમિયાન નાગરિકોને કોઈપણ પ્રકારની સમસ્યાનો સામનો ન કરવો પડે તે માટે સુરક્ષા દળોએ પહેલા વિસ્તારને ખાલી કરાવ્યો છે.

અગાઉ દક્ષિણ કાશ્મીર આતંકવાદીઓનો ગઢ હતું
તમને જણાવી દઈએ કે એક સમયે દક્ષિણ કાશ્મીર સ્થાનિક આતંકવાદી સંગઠનનો ગઢ હતું. પરંતુ હવે ત્યાં માત્ર થોડા જ આતંકવાદીઓ બચ્યા છે અને જે પણ આતંકવાદીઓ બચશે તેને ઓપરેશન ઓલ આઉટ હેઠળ મારવામાં આવશે.

આ પણ વાંચો: મુંબઈમાં ડૂબતી બોટમાં મદદ માટે ચીસાચીસ… 13ના મોત; 101 લોકોને બચાવાયા