Mann ki Baat 119th Episode: PM મોદીએ ‘મન કી બાત’માં ISROની સફળતાનો કર્યો ઉલ્લેખ

Mann ki Baat: પ્રધાનમંત્રી નરેન્દ્ર મોદી મન કી બાત દ્વારા રાષ્ટ્રને સંબોધિત કરી રહ્યા છે. આજે મન કી બાતનો 119મો એપિસોડ પ્રસારિત થઈ રહ્યો છે. આ માસિક રેડિયો કાર્યક્રમ દ્વારા, પીએમ મોદી દેશના ઐતિહાસિક મહત્વની સાથે વિવિધ વિષયો અને મુદ્દાઓ પર પોતાના વિચારો શેર કરે છે. તેનું પ્રસારણ રેડિયો અને દૂરદર્શન સહિત અન્ય ઘણી ચેનલો પર સાંભળવામાં આવી રહ્યું છે.

#NCLive | #Watch વડાપ્રધાન નરેન્દ્ર મોદીની આજે 119 મી 'મન કી બાત' @narendramodi | #MannKiBaat | #PMModi https://t.co/WXlXI5fHOW

— NewsCapital Gujarat (@NewsCapitalGJ) February 23, 2025

પીએમ મોદીએ પોતાના સંબોધનની શરૂઆત ઇસરોની સફળતાનો ઉલ્લેખ કરીને કરી. તેમણે કહ્યું કે ગયા મહિને દેશ ઈસરોના 100માં લોન્ચિંગનો સાક્ષી બન્યો. આ માત્ર એક સંખ્યા નથી, તે સ્પેસ સાઇન્સમાં દરરોજ નવી ઊંચાઈઓને સ્પર્શવાનો આપણો સંકલ્પ પણ દર્શાવે છે.

સ્પેસ વિજ્ઞાનમાં નારી શક્તિની ભાગીદારી વધી
તેમણે કહ્યું કે ઇસરોની સફળતાઓનો વ્યાપ ઘણો મોટો રહ્યો છે. છેલ્લા 10 વર્ષમાં, લગભગ 460 સેટેલાઈટ લોન્ચ કરવામાં આવ્યા છે અને તેમાં અન્ય દેશોના ઘણા સેટેલાઈટોનો સમાવેશ થાય છે. તાજેતરના વર્ષોમાં, સ્પેસ વિજ્ઞાનમાં અમારી ટીમમાં નારી શક્તિની ભાગીદારી સતત વધી રહી છે.

This month's #MannKiBaat will surely interest you. Do tune in! https://t.co/ve2KlLNNlP

— Narendra Modi (@narendramodi) February 23, 2025

એક દિવસ વૈજ્ઞાનિક તરીકે વિતાવો
મન કી બાત કાર્યક્રમની 119મી આવૃત્તિમાં, PM નરેન્દ્ર મોદીએ કહ્યું, “આગામી થોડા દિવસોમાં આપણે ‘રાષ્ટ્રીય વિજ્ઞાન દિવસ’ ઉજવવા જઈ રહ્યા છીએ. આપણા બાળકો અને યુવાનો માટે વિજ્ઞાનમાં રસ અને જુસ્સો હોવો ખૂબ જ મહત્વપૂર્ણ છે. જેને લઇને મારી પાસે એક વિચાર છે, તમે જેને ‘વૈજ્ઞાનિક તરીકેનો દિવસ’ કહી શકો છો, એટલે કે, તમારે એક દિવસ એક વૈજ્ઞાનિક તરીકે, એક વૈજ્ઞાનિક તરીકે વિતાવવાનો પ્રયાસ કરવો જોઈએ. તમે તમારી સુવિધા અને પસંદગી મુજબ કોઈપણ દિવસ પસંદ કરી શકો છો.”

AI ક્ષેત્રમાં ભારતની પ્રગતિની પ્રશંસા
પ્રધાનમંત્રી નરેન્દ્ર મોદીએ કહ્યું, “તાજેતરમાં, મેં એક AIના મોટા સંમેલનમાં હાજરી આપવા માટે પેરિસ ગયો હતો. ત્યાં વિશ્વએ આ ક્ષેત્રમાં ભારતની પ્રગતિની ખૂબ પ્રશંસા કરી. આજે આપણા દેશમાં લોકો AIનો ઉપયોગ કેવી રીતે કરી રહ્યા છે તેના ઉદાહરણો પણ આપણે જોઈ રહ્યા છીએ.

મહિલા દિવસ પર ખાસ પહેલ
પીએમ મોદીએ કહ્યું કે આ વખતે મહિલા દિવસ પર, હું એક પહેલ કરવા જઈ રહ્યો છું જે આપણી નારી શક્તિને સમર્પિત હશે. આ ખાસ પ્રસંગે હું મારા સોશિયલ મીડિયા એકાઉન્ટ્સ તેમને એક દિવસ માટે સોંપીશ. જે મહિલાઓએ વિવિધ ક્ષેત્રોમાં સિદ્ધિઓ હાંસલ કરી છે અને એક અલગ ઓળખ બનાવી છે તેઓ 8મી માર્ચે દેશવાસીઓ સાથે તેમના કામ અને અનુભવો શેર કરશે.

તમામ યુવા મિત્રોને પરીક્ષા માટે ખૂબ ખૂબ શુભેચ્છાઓ.
પીએમ મોદીએ કહ્યું, “આ બોર્ડ પરીક્ષાઓનો સમય છે. હું મારા યુવા મિત્રોને એટલે કે પરીક્ષાના યોદ્ધાઓને તેમની પરીક્ષા માટે શુભેચ્છા પાઠવું છું. તમારે કોઈપણ તણાવ વિના સંપૂર્ણ હકારાત્મક ભાવના સાથે તમારી પરીક્ષા આપવી જોઈએ. દર વર્ષે ‘પરીક્ષા પે ચર્ચા’માં અમે અમારા પરીક્ષા યોદ્ધાઓ સાથે પરીક્ષા સંબંધિત વિવિધ વિષયો પર વાત કરીએ છીએ.” નોંધનીય છે કે, PM નરેન્દ્ર મોદી દર મહિનાના છેલ્લા રવિવારે દેશના નાગરિકોને સંબોધિત કરે છે. તેમના સંબોધનમાં, તેઓ રાષ્ટ્રને લગતા મુદ્દાઓ અને વિષયો વિશે વાત કરે છે.