ટ્રમ્પ હોટલની બહાર બ્લાસ્ટ પર એલન મસ્કે કહ્યું – ‘આ એક આતંકવાદી હુમલો હોઈ શકે’
America: અમેરિકાના લાસ વેગાસમાં ટ્રમ્પ ઈન્ટરનેશનલ હોટલ બહાર બુધવારે સવારે સાયબરટ્રકમાં આગ લાગતાં એક વ્યક્તિનું મૃત્યુ થયું હતું અને અન્ય સાત ઘાયલ થયા હતા. પોલીસ અને એફબીઆઈ અધિકારીઓએ આ અંગે વધુ તપાસ હાથ ધરી છે. ત્યારે હવે એલન મસ્કે આ ઘટના પર પ્રતિક્રિયા આપી છે. આના પર એલન મસ્કએ X પર એક પછી એક ઘણી પોસ્ટ કરી છે અને કહ્યું છે કે આજ સુધી કોઈ સાયબરટ્રક સાથે આવું કંઈ થયું નથી અને તેમની કંપનીની વરિષ્ઠ ટીમ આ સમગ્ર મામલાની તપાસ કરી રહી છે. આ સાથે મસ્કે તેને આતંકવાદી હુમલો પણ ગણાવ્યો હતો.
Cybertruck blew up in front of Trump hotel in Las Vegas. Those are our luggage by the door and that’s where we were when it happened. pic.twitter.com/KaVZXfGLNK
— ayackle (@kaaaassuu) January 1, 2025
એલન મસ્કે પોતાની એક પોસ્ટમાં લખ્યું છે કે આ આતંકવાદી હુમલો હોઈ શકે છે. તેમણે લખ્યું, ન્યૂ ઓર્લિયન્સથી સાયબરટ્રક અને એફ-150 આત્મઘાતી બોમ્બ ટુરો પાસેથી ભાડે લેવામાં આવ્યા હતા. શક્ય છે કે બંને વચ્ચે કોઈ સંબંધ હોય.
Appears likely to be an act of terrorism.
Both this Cybertruck and the F-150 suicide bomb in New Orleans were rented from Turo. Perhaps they are linked in some way. https://t.co/MM6ehJO3SG
— Elon Musk (@elonmusk) January 1, 2025
ઘટના પહેલા ન્યૂ ઓર્લિયન્સમાં એક પીકઅપ ટ્રકે 15 લોકોને કચડી નાખ્યા હતા
તમને જણાવી દઈએ કે આ ઘટનાના થોડા સમય પહેલા ન્યૂ ઓર્લિયન્સમાં એક ડ્રાઈવરે નવા વર્ષની ઉજવણી કરી રહેલા લોકો પર પિકઅપ ટ્રક ચડાવી દીધી હતી અને 15 લોકોના મોત થયા હતા, જ્યારે ઘણા લોકો ઘાયલ થયા હતા. FBI ઘટના સ્થળેથી મળી આવેલા ઓછામાં ઓછા એક શંકાસ્પદ ઇમ્પ્રુવાઇઝ્ડ વિસ્ફોટક ઉપકરણની તપાસ કરી રહી છે જેને આતંકવાદના કૃત્ય તરીકે વર્ણવવામાં આવી રહ્યું છે.
આ પણ વાંચો: ટ્રમ્પ ઈન્ટરનેશનલ હોટલની બહાર સાયબર ટ્રકમાં વિસ્ફોટ, એકનું મોત 7 લોકો ઈજાગ્રસ્ત
મેકમહિલે જણાવ્યું હતું કે વિસ્ફોટથી અન્ય કોઈ ખતરો નથી, જેના કારણે વાહનના અજાણ્યા ડ્રાઈવરનું મૃત્યુ થયું હતું અને લગભગ સાત લોકો ઘાયલ થયા હતા. આ સાથે તેમણે સમુદાયના લોકોને આ વિસ્તારથી દૂર રહેવા કહ્યું છે.
