છત્તીસગઢમાં મોટા હુમલાની નક્સલીઓની યોજના નિષ્ફળ, બીજાપુરમાં 50 કિલો IED મળી આવ્યું
Naxals Attack Plan Fail: છત્તીસગઢના નક્સલ પ્રભાવિત બીજાપુર જિલ્લામાં સુરક્ષા દળોએ લગભગ 50 કિલોગ્રામ ઇમ્પ્રુવાઇઝ્ડ એક્સપ્લોઝિવ ડિવાઇસ (IED) જપ્ત કર્યું છે. પોલીસ અધિકારીઓએ ગુરુવારે આ માહિતી આપતા કહ્યું, સુરક્ષા દળોએ જિલ્લાના બાસાગુડા-આવાપલ્લી રોડ પર પુલ નીચે લગાવવામાં આવેલ લગભગ 50 કિલો IED જપ્ત કર્યો છે. તેમણે કહ્યું કે આજે સેન્ટ્રલ રિઝર્વ પોલીસ ફોર્સ (CRPF)ની બોમ્બ ડિસ્પોઝલ સ્ક્વોડ બાસાગુડા-અવપલ્લી રોડ પર પેટ્રોલિંગ માટે ગઈ હતી.
#WATCH | Chhattisgarh: An IED planted by naxals, was defused by security officials in Bijapur. The 50 kg IED was planted by naxals on Awapalli-Basaguda road: Bijapur Police
(Source: Bijapur Police) pic.twitter.com/K4Aom1hgml
— ANI (@ANI) January 23, 2025
પુલ નીચે IED પ્લાન્ટ કરવામાં આવ્યો હતો
જ્યારે સુરક્ષા દળોની ટીમ તિમાપુર દુર્ગા મંદિર પાસે હતી, ત્યારે તેમને પુલ નીચે માઓવાદીઓ દ્વારા લગાવવામાં આવેલા લગભગ 50 કિલો IEDની હાજરીની માહિતી મળી. અધિકારીઓએ જણાવ્યું હતું કે માઓવાદીઓએ પુલની નીચે એક લેન્ડમાઇન છુપાવી હતી, તેની નીચેથી કોંક્રિટ અને પથ્થરો દૂર કર્યા હતા અને પછી પથ્થરોને તે જ સ્થિતિમાં પાછા મૂકી દીધા હતા. તેમણે કહ્યું કે IED શોધવા માટે ‘મેટલ ડિટેક્ટર’ વડે તપાસ કરતી વખતે લેન્ડમાઇન વિશે માહિતી મળી હતી. સુરક્ષા દળોએ લેન્ડમાઇનને દૂર કરવાનો પ્રયાસ કર્યો હતો પરંતુ તે ખૂબ ઊંડે દટાયેલો હોવાથી, તેને સ્થળ પર જ નાશ કરવામાં આવ્યો હતો.
સુરક્ષા દળોએ નક્સલવાદીઓના કાવતરાને નિષ્ફળ બનાવ્યા
અધિકારીઓએ જણાવ્યું હતું કે માઓવાદીઓએ મોટા વાહનોને નુકસાન પહોંચાડવા માટે પુલ નીચે ‘રિમોટ-કંટ્રોલ્ડ’ IED પ્લાન્ટ કર્યો હતો. પરંતુ સુરક્ષા દળોની સતર્કતાને કારણે માઓવાદીઓના પ્લાન નિષ્ફળ ગયા. તેમણે કહ્યું કે લેન્ડમાઇનનો નાશ કરતી વખતે રસ્તા પર એક ઊંડો ખાડો બની ગયો હતો જે ભરાઈ ગયો છે અને ટ્રાફિક પુનઃસ્થાપિત કરવામાં આવી રહ્યો છે.
6 જાન્યુઆરીએ એક મોટો વિસ્ફોટ થયો હતો.
નોંધનીય છે કે, 6 જાન્યુઆરીએ, રાજ્યના બીજાપુર જિલ્લામાં, નક્સલીઓએ સુરક્ષા દળોને નિશાન બનાવવા માટે લેન્ડમાઇન વિસ્ફોટ કર્યો હતો, જેના કારણે પોલીસ વાહન તેની ઝપેટમાં આવી ગયું હતું. આ ઘટનામાં 8 સુરક્ષા કર્મચારીઓ અને ડ્રાઇવર સહિત 9 લોકોએ જીવ ગુમાવ્યા હતા. પોલીસના જણાવ્યા અનુસાર, માઓવાદીઓએ આ ઘટનાને અંજામ આપવા માટે લગભગ 70 કિલો IEDનો ઉપયોગ કર્યો હતો.
