Olympics 2024 Medal Tally: આ દેશે સૌથી વધુ મેડલ જીત્યા, આ નંબર પર ભારત

Paris Olympics 2024 Medal Tally: પેરિસમાં રમાઈ રહેલી ઓલિમ્પિક્સ 2024 માં તમામ રમતો જબરદસ્ત રમાઈ રહી છે. તમામ દેશોના ખેલાડીઓ પોત પોતાના દેશને ગૌરવ અપાવવા માટે સતત ધ્યાન કેન્દ્રિત કરી રહ્યા છે. આજે ઓલિમ્પિક 2024માં ચોથો દિવસ છે. ત્યારે ત્રણ દિવસમાં કયા દેશે કેટલા મેડલ જીત્યા છે. આવો જાણીએ હાલમાં નંબર વન સ્થાન પર કોણ છે મેડલ જીતવામાં.

મેડલ ટેલીમાં જાપાન અત્યારે નંબર વન
ઓલિમ્પિકના ત્રણ દિવસ પૂરા થઈ ગયા છે, આજે ચોથો દિવસ છે. આ ટેલીમાં ત્રણ દિવસમાં જાપાન પ્રથમ ક્રમે છે. જાપાને અત્યાર સુધીમાં કુલ 12 મેડલ જીત્યા છે, જેમાં 6 ગોલ્ડ, 3 સિલ્વર અને 4 બ્રોન્ઝ મેડલ છે. ફ્રાન્સ બીજા સ્થાને છે જેમાં તેણે 5 ગોલ્ડ, 8 સિલ્વર અને 3 બ્રોન્ઝ મેડલ જીત્યા છે. એટલે કે તેની પાસે કુલ 16 મેડલ છે. જોકે જાપાન પાસે 6 ગોલ્ડ છે, તેથી તે મેડલ ટેલીમાં નંબર વન છે. ચીનની વાત કરીએ તો અત્યાર સુધીમાં ચીને 5 ગોલ્ડ, 5 સિલ્વર અને 2 બ્રોન્ઝ મેડલ જીત્યા છે. તેના કુલ મેડલની સંખ્યા 12 સુધી છે.

આ પણ વાંચો: ઓલિમ્પિક 2024ના ચોથા દિવસે પણ ભારત જીતી શકે છે મેડલ, જાણો સંપૂર્ણ શેડ્યૂલ

સારું પ્રદર્શન કર્યું
આ ટોપ 3 દેશો પછી ઓસ્ટ્રેલિયાનો નંબર આવે છે. ઓસ્ટ્રેલિયાએ 5 ગોલ્ડ, 4 સિલ્વર એટલે કે કુલ 9 મેડલ જીત્યા છે. ઓસ્ટ્રેલિયાએ અત્યાર સુધી એક પણ બ્રોન્ઝ મેડલ પ્રાપ્ત કર્યો નથી. પાંચમા સ્થાન પર કોરિયા આવે છે. અમેરિકા 6 સ્થાન પર છે. ભારત અત્યારે મેડલ ટેલીમાં 26માં નંબર પર છે. ભારતે અત્યાર સુધી માત્ર એક જ મેડલ જીત્યો છે. તેમાં એક બ્રોન્ઝ મેડલ છે, જે મનુ ભાકરે જીત્યો હતો. બીજી ઘણી રમતોમાં ભારત મેડલની નજીક આવી ગયું હતું, પરંતુ છેલ્લી ક્ષણે થયેલી ભૂલને કારણે ટાસ્ક બગડી ગયું હતું.