સારા અલી ખાને મોશન પિક્ચરની રિલિઝ ડેટ જાહેર કરી

‘એ વતન મેરે વતન’ના મોશન પોસ્ટરની વાત કરીએ તો તેમાં સારા અલી ખાનનો અવાજ સંભળાય છે, જે એક ગુપ્ત રેડિયો દ્વારા દેશને બ્રિટિશ રાજ સામે એક થવા માટે ઉત્સાહપૂર્વક આગ્રહ કરી રહી છે. ધર્માટિક એન્ટરટેઈનમેન્ટ પ્રોડક્શનના બેનર હેઠળ બનેલી આ ફિલ્મને કરણ જોહર, અપૂર્વ મહેતા અને સોમેન મિશ્રાએ પ્રોડ્યુસ કરી છે.

‘એ વતન મેરે વતન’ની કાસ્ટ
‘એ વતન મેરે વતન’ કન્નન અય્યર દ્વારા નિર્દેશિત છે. આ ફિલ્મની વાર્તા દારબ ફારૂકી અને અય્યરે લખી છે, જેમાં સારા સાથે સચિન ખેડેકર, અભય વર્મા, સ્પર્શ શ્રીવાસ્તવ, એલેક્સ ઓ’નીલ અને આનંદ તિવારી મુખ્ય ભૂમિકામાં છે. રસપ્રદ વાત એ છે કે આ ફિલ્મમાં ઈમરાન હાશ્મી પણ ગેસ્ટ અપિયરન્સમાં જોવા મળશે.

 

View this post on Instagram

 

A post shared by prime video IN (@primevideoin)

ફિલ્મ ‘એ વતન મેરે વતન’ની વાર્તા કાલ્પનિક છે. જેમાં નિર્માતાઓએ એક હિંમતવાન છોકરી દ્વારા ગુપ્ત રીતે રેડિયો સ્ટેશન ચલાવવાની વાર્તા દર્શાવી છે. જેમના પ્રયાસોએ ભારતના સ્વાતંત્ર્ય સંગ્રામની દિશા બદલી નાખી છે. સ્વાતંત્ર્ય સેનાની ઉષા મહેતાની અદ્ભુત સફરથી પ્રેરિત આ ફિલ્મ આઝાદીના પ્રખ્યાત અને ગાયબ નાયકોના સન્માનમાં બનાવવામાં આવી છે.

આ ઐતિહાસિક થ્રિલર-ડ્રામા ફિલ્મ 21 માર્ચ 2024ના રોજ ભારતમાં તેમજ સમગ્ર વિશ્વમાં રિલીઝ થઈ રહી છે. જે OTT પ્લેટફોર્મ પ્રાઇમ વિડિયો પર હિન્દી અને તમિલ, તેલુગુ, મલયાલમ અને કન્નડ ભાષામાં જોઈ શકાશે.

ઉષા મહેતા હવે આ દુનિયામાં નથી. પરંતુ તેમણે દેશને નામે પોતાનો જીવ આપી દીધો. 25 માર્ચ 1920ના રોજ જન્મેલા ઉષાએ ભારત છોડો આંદોલનમાં બ્રિટિશ સરકાર સામે લડત આપી હતી. તેમણે ગુપ્ત રેડિયો ચલાવીને લોકોને જાગૃત કર્યા. માત્ર 5 વર્ષની ઉંમરે, તે ગાંધીજીથી પ્રભાવિત થયા અને તેમણે પોતાનું જીવન દેશને સમર્પિત કર્યું. તમને જાણીને નવાઈ લાગશે કે ઉષાના પિતા તેમની પુત્રીની વિરુદ્ધ હતા. કારણ કે તે બ્રિટિશ સરકારમાં જજ તરીકે કામ કરતા હતા.